श्वानदंश झाल्यास मिळणार आर्थिक मदत

बेंगळूर : श्वानदंश झालेल्यांना राज्य सरकारने आर्थिक मदत देण्यासंबंधी आदेश जारी केला आहे. श्वानदंश झाल्यास 3,500 रुपयांची आर्थिक मदत दिली जाणार आहे. जर मृत्यू झाल्यास मृताच्या कुटुंबीयांना 5 लाखांची मदत दिली जाणार आहे. त्याचप्रमाणे श्वानदंश झालेल्या  व्यक्तीवर त्वरित उपचार करण्याची सूचना सर्व इस्पितळांना देण्यात आली आहे. श्वानदंश झालेल्या व्यक्तीला आर्थिक मदत म्हणून 3,500 रुपये आणि 1,500 रुपये सुवर्ण आरोग्य सुरक्षा ट्रस्टकडे जमा करण्याचे आदेश देण्यात आले आहेत. यासंबंधी परिशिलन आणि भरपाई वितरण समिती नेमण्याचा उल्लेखही आदेशात करण्यात आला आहे. ग्रेटर बेंगळूर प्राधिकरणाच्या कार्यक्षेत्रातील 5 नगरपालिकांच्या कार्यक्षेत्रात हा आदेश लागू करण्यात आला आहे.