‘उल जलूल इश्क’मध्ये फातिमा

विजय शर्मा, नसीरुद्दीन शाह मुख्य भूमिकेत

2015 मध्ये प्रदर्शित ‘हवाईजादा’ चित्रपटाचे दिग्दर्शक विभु पुरी स्वत:च्या आगामी चित्रपटासाठी तयार आहेत. विभु पुरी अभिनेता नसीरुद्दीन शाह,  फातिमा सना शेख आणि विजय वर्मा, शारिब हाशमी यांना घेऊन ‘उल जलूल इश्क’ हा चित्रपट निर्माण करत आहेत. या चित्रपटातून गीतकार-संगीतकाराची जोडी म्हणून गुलजार तसेच विशाल भारद्वाज यांची वापसी होत आहे.

‘उल जलूल इश्क’ हा चित्रपट प्रसिद्ध फॅशन डिझाइनर मनीष मल्होत्रा यांच्या स्टेज 5 प्रॉडक्शनचा तिसरा चित्रपट असणार आहे. मनीषने यापूर्वी ‘बन टिक्की’ आणि ‘ट्रेन फ्रॉम छपरौला’ या चित्रपटांची निर्मिती केली आहे. मनीषने या चित्रपटाची घोषणा नसीरुद्दीन शाह, विजय वर्मा, फातिमा सना शेख आणि शारिब हाशमीचे छायाचित्र शेअर करत केली आहे.

या चित्रपटाचे चित्रिकरण 9 जानेवारीपासून सुरू होणार आहे. नसीरुद्दीन शाह, विजय वर्मा, फातिमा सना शेख आणि शारिब हाशमी यांच्यासोबत काम करणे माझ्यासाठी सन्मानाची गोष्ट असल्याचे मनीषने नमूद केले आहे.