एलॉन मस्क यांचे ‘स्टारशिप’ पहिल्यांदाच पृथ्वीच्या कक्षेत

26 उपग्रहही प्रक्षेपित : 10 तासांच्या भ्रमंतीनंतर परतणार : ‘स्पेसएक्स’ची 14 वी चाचणी

वृत्तसंस्था/ टेक्सास

एलॉन मस्क यांच्या ‘स्पेसएक्स’ कंपनीने सोमवारी टेक्सासमधील स्टारबेसवरून आपले भव्य ‘स्टारशिप’ हे सुपर हेवी रॉकेट प्रक्षेपित केले. हे स्टारशिपचे 14 वे चाचणी उ•ाण असून या मोहिमेचे सर्वात महत्त्वाचे वैशिष्ट्या म्हणजे ते पहिल्यांदाच पृथ्वीच्या कक्षेत पाठवण्यात यश मिळाले आहे. या मोहिमेमध्ये 26 स्टारलिंक व्ही-3 उपग्रहांच्या प्रक्षेपणाचाही समावेश आहे.

स्पेसएक्सचे सर्वात शक्तिशाली रॉकेट ‘स्टारशिप’ भारतीय वेळेनुसार सायंकाळी 6:16 वाजता रॉकेट प्रक्षेपित करण्यात आले. त्याने प्रक्षेपणाच्या 2 मिनिटे आणि 30 सेकंदांनंतर बूस्टर वेगळा केला. ही स्टारशिपची 14 वी चाचणी आहे. स्टारशिपला पहिल्यांदाच पृथ्वीच्या कक्षेत पाठवण्यात आले असून ते पृथ्वीभोवती सहा प्रदक्षिणा घातल्यानंतर चिलीजवळच्या महासागरात उतरेल.  तत्पूर्वी स्पेसएक्स टीमने अमेरिकेच्या आखातात बूस्टर उतरवला. मागील सर्व उ•ाणांमध्ये, सुरक्षितता राखण्यासाठी आणि डेटा संकलन जास्तीत जास्त करण्यासाठी रॉकेटला उप-कक्षीय मार्गावरच मर्यादित ठेवण्यात आले होते.

10 तासांचा प्रवास, पृथ्वीभोवती 6 प्रदक्षिणा

‘स्टारशिप’ यानाची उंची 403 फूट आहे. या मोहिमेत स्टारशिप जमिनीपासून अंदाजे 275 किलोमीटर उंचीवर उ•ाण करेल. या अंदाजे 10 तासांच्या प्रवासादरम्यान ते पृथ्वीभोवती सहा प्रदक्षिणा घालेल. मोहीम पूर्ण झाल्यावर रॉकेट चिलीजवळच्या पॅसिफिक महासागराच्या सुरक्षित पाण्यात उतरणार आहे.

26 नवीन स्टारलिंक उपग्रह प्रक्षेपित

‘स्टारशिप’ उ•ाणाद्वारे नवीन तंत्रज्ञान असलेले 26 स्टारलिंक व्ही-3 उपग्रह प्रथमच अवकाशात प्रक्षेपित केले आहेत. या उपग्रहांद्वारे जगभरातील इंटरनेटचा वेग आणि नेटवर्क कनेक्टिव्हिटीमध्ये लक्षणीय सुधारणा होईल. रॉकेटपासून वेगळे झाल्यावर, हे उपग्रह त्यांचे अँटेना आणि सौर पॅनेल उघडतील आणि रेडिओ लहरी व लेझरच्या माध्यमातून जमिनीवरील तसेच इतर उपग्रहांशी संवाद साधतील. त्यानंतर ते त्यांच्या लहान इंजिनचा वापर करून त्यांच्या निर्धारित कक्षेत पोहोचतील आणि सर्व प्राथमिक तपासण्या पूर्ण झाल्यावर इंटरनेट सेवा प्रदान करण्यास सुरुवात करतील.

तीन उपग्रहांवर अत्याधुनिक कॅमेरे

या मोहिमेत सहभागी असलेले तीन उपग्रह अत्याधुनिक कॅमेऱ्यांनी सुसज्ज आहेत. हे कॅमेरे अवकाशात स्टारशिपच्या हीटशील्डला स्कॅन करतील आणि थेट जमिनीवरील शास्त्रज्ञांना प्रतिमा पाठवतील. या प्रतिमा आणि चाचणीचे निकाल भविष्यातील मोहिमांमध्ये रॉकेटला प्रक्षेपण स्थळावर सुरक्षितपणे परत आणण्यासाठी उपयुक्त ठरतील.

..