डीवायईएस ॲथलेटिकपटूंची राज्य स्पर्धेत चमक

बेळगाव : कोलार येथे झालेल्या राज्यस्तरीय ॲथलेटिक स्पर्धेत बेळगावच्या डीवायईएसच्या खेळाडूंनी 2 सुवर्ण, 1 रौप्य व 1 कास्यपदक पटकावित यश संपादन केले आहे. या स्पर्धेत धन्या चंद्रशेखर नाईक हिने हातोडा फेकमध्ये सुवर्ण, कल्लोळी बंडीवड्डरने गोळाफेकमध्ये कास्य, तर गौरी पुजारीने 400 मी. धावणे व 4×400 मी. धावण्याच्या स्पर्धेत सुवर्णपदक पटकाविले. तिची साऊथ झोन विभागीय स्पर्धेसाठी संघात निवड झाली आहे. या सर्व खेळाडूंना युवजन क्रीडा अधिकारी बी. श्रीनिवास यांचे प्रोत्सहन तर संजीवकुमार नाईक व बसवराज भूषण्णावर यांचे मार्गदर्शन लाभत आहे.