‘दुर्लभ प्रसाद की दुसरी शादी’ येतोय

स्वत:चा दमदार अभिनय आणि कॉमेडी टायमिंगद्वारे प्रेक्षकांच्या मनावर राज्य करणारे अभिनेते संजय मिश्रा पुन्हा एकदा नव्या आणि अनोख्या भूमिकेसह प्रेक्षकांच्या भेटीला येणार आहेत. त्यांच्या आगामी चित्रपटाचे नाव ‘दुर्लभ प्रसाद की दुसरी शादी’ आहे. या चित्रपटाचे मजेशीर पोस्टर प्रदर्शित करण्यात आले आहे. जुन्या वृत्तपत्रांमध्ये ‘विवाहयोग्य वर-वधूचा शोध’ सदृश जाहिरातीप्रमाणे हे पोस्टर तयार करण्यात आले आहे. परंतु यात एक ट्विस्ट असून येथे वधूचा शोध एका 50 वर्षीय सलूनचालक दुर्लभ प्रसादला आहे.

‘50 वर्षीय सुशिक्षित, प्रामाणिक, संस्कारी सलूनचालकाला एक जोडीदार हवी, वाराणसीच्या गल्ल्यांइतकीच प्रेमळ आणि साडीइतकीच साधेपणाने युक्त असावी’ असे पोस्टरमध्ये नमूद आहे. सोशल मीडियावर या पोस्टरमुळे चित्रपटाचे नाव ट्रेंड करू लागले आहे. या चित्रपटाचे दिग्दर्शन सिद्धांत राज करत असून यात संजय मिश्रासोबत महिमा चौधरी आणि व्योम यादव हे कलाकार मुख्य भूमिकेत दिसून येणार आहेत. कहाणी वाराणसीतील एका मध्यमवयीन पुरुष ‘दुर्लभ प्रसाद’ची असून ती पहिल्या पत्नीच्या मृत्यूनंतर पुन्हा विवाह करू इच्छित असतो, त्याचे वय आणि गावातील मानसिकतेदरम्यान विवाहाची योजना अनेक हास्यास्पद आणि भावनात्मक परिस्थिती निर्माण करते. चित्रपटात मिडल-एज लव्ह, सामाजिक व्यंग आणि मानवीय नात्यांचा साधेपणा यांचा मेळ पहायला मिळणार आहे.