शाळा वाहन-ट्रक अपघातात वाहनचालक, महिला वाहक जखमी

वार्ताहर/कारवार 

शाळा वाहन आणि लॉरी दरम्यान झालेल्या अपघातात वाहनचालक आणि महिला वाहक जखमी झाल्याची घटना सोमवारी भटकळ येथे राष्ट्रीय हमरस्ता क्रमांक 66 वरील हॉटेल क्वालिटीसमोर घडली. भटकळ येथील अंजुमान प्राथमिक शाळेचे वाहन विद्यार्थ्यांना घरी सोडून परत येत असताना भटकळहून मंगळूकरडे निघालेल्या लॉरी दरम्यान समोरासमोर टक्कर झाली. या अपघातात वाहनचालक आणि महिला कंडक्टर जखमी झाले असून त्यांना उपचारासाठी भटकळ येथील सरकारी रुग्णालयात दाखल करण्यात आले आहे. शाळा वाहन विद्यार्थ्यांना घरी सोडून येत असताना हा अपघात झाल्याने मोठी दुर्घटना टळली आहे. भटकळ शहर पेलीस अधिक तपास करीत आहेत.