डीआरडीओच्या स्वदेशी पॅराशूटने रचला इतिहास

स्वदेशी एमसीपीएस : श्वास घेणेही आव्हान असलेल्या ठिकाणी यशस्वी परीक्षण

वृत्तसंस्था, नवी दिल्ली

भारताने अत्याधिक उंचीवरील भागांमध्ये सैनिकांच्या पॅराशूट क्षमतेला मजबूत करण्याच्या दिशेने मोठे यश प्राप्त केले आहे. डीआरडीओच्या आग्रा येथील एडीआरडीईकडून डिझाइन अन् विकसित मिलिट्री कॉम्बॅट पॅराशूट सिस्टीमचे (एमसीपीएस) जगातील सर्वात उंच ड्रॉप झोनमध्ये सामील न्योमाच्या मुध ड्रॉप झोनमध्ये यशस्वी परीक्षण करण्यात आले आहे.

या परीक्षणादरम्यान एडीआरडीईच्या प्रशिक्षित परीक्षण जम्पर्सनी सुमारे 22,000 फुटांच्या उंचीवरून उडी घेतली, या उंचीवर तापमान सुमारे उणे 15 अंश सेल्सिअस होते. अत्यंत आव्हानात्मक स्थितीनंतरही पॅराशूट प्रणाली आणि त्याच्याशी निगडित सर्व स्वदेशी उप-तंत्रांचा यशस्वीपणे वापर करण्यात आला आहे.

4 परीक्षण जम्पर्सचा सहभाग

परीक्षणादरम्यान एडीआरडीईचे मुख्य परीक्षण जम्पर विंग कमांडर राहुल झा, एमडब्ल्यूओ आर.जे. सिंह, व्हीएम (जी) आणि एमडब्ल्यूओ विवेक तिवारी यांनी 22 हजार फुटांच्या उंचीवरून ही उडी घेतली.

20 हजार फुटांवर खुलला पॅराशूट

डीआरडीओनुसार उडीदरम्यान एमसीपीएसला 20 हजार फुटांच्या उंचीवर यशस्वीपणे खोलण्यात आले. यानंतर परीक्षण जम्पर्सनी नियंत्रित पद्धतीने खाली उतरत 13,700 फुटांच्या उंचीवर सुरक्षित लँडिंग केले आहे.

स्वदेशी उपकरणांचा वापर

या परीक्षणात केवळ पॅराशूट नव्हे तर याच्याशी निगडित अन्य महत्त्वपूर्ण उपकरणांचाही वापर करण्यात आला. यात स्वदेशी पॅरा कॉम्प्युटर, ऑक्सिजन प्रणाली आणि विशेष जम्पसूट देखील सामील होता. हे पूर्ण तंत्र अत्याधिक उंचीवरही विश्वसनीय ठरले आहे.

एमसीपीएस ठरले प्रभावी

एमसीपीएस अत्यंत कमी तापमान आणि अत्याधिक उंची यासारख्या अवघड परिस्थितींमध्ये देखील प्रभावीपणे काम करू शकते हे परीक्षणाने सिद्ध केले आहे. परीक्षणाच्या यशस्वी परिणामामुळे याची विश्वसनीयता, प्रभावशीलता आणि सामरिक उपयुक्ततेची पुष्टी झाली आहे.

त्वरित तैनातीस मदत

अत्याधिक उंचीवरील क्षेत्रांमध्ये सैन्य अभियानांदरम्यान सैनिक आणि आवश्यक साधनसामग्रीची वेगाने तैनात अत्यंत महत्त्वपूर्ण असते. अशास्थितीत ही स्वदेशी सैन्य कॉम्बॅट पॅराशूट प्रणाली महत्त्वपूर्ण आहे. भारतीय सशस्त्रदलांचे विशेष अभियान आणि उंचीवरील भागांमध्ये त्वरित तैनातीच्या क्षमतेला ही प्रणाली मजबूत करू शकते.

आत्मनिर्भर संरक्षण तंत्रज्ञानाला मजबुती

एमसीपीएसचे हे यशस्वी परीक्षण भारताच्या महत्त्वपूर्ण संरक्षण तंत्रज्ञानांमध्ये आत्मनिर्भरतेच्या दिशेने आणखी एक महत्त्वाची कामगिरी मानण्यात येत आहे. परीक्षणाने स्वदेशी पॅराशूट तंत्रज्ञानाच्या क्षमतेला प्रदर्शित करण्यासोबत अत्याधिक प्रतिकूल स्थितीत याच्या सामरिक वापराच्या शक्यतांना देखील मजबूत केले आहे.

उणे 15 अंशात परीक्षण यशस्वी

22,000 फुटांची उंची, उणे 15 अंश तापमान आणि 20 हजार फुटांवर पॅराशूट यशस्वीपणे खुला झाल्याने हे परीक्षण भारतीय संरक्षण संशोधनाच्या क्षमतेला दर्शविते. अत्याधिक आव्हानात्मक परिस्थितींमध्ये देखील स्वदेशी तंत्रज्ञानाला युद्ध वापरासाठी तयार केले जाणारे हे संशोधन आहे.