देसाई फाऊंडेशनच्यावतीने दिव्यांग-वृद्धांना साहित्याचे वाटप

बेळगाव : देसाई फाऊंडेशनच्यावतीने दिव्यांग व वृद्धांना घरगुती साहित्याचे वाटप करण्यात आले. गरजूंना चादरी व जेवणाच्या डब्याचे वाटप करण्यात आले. यावेळी देसाई परिवारातील सदस्य उपस्थित होते. ज्योतीनगर-गणेशपूर येथील म्हसोबा देवस्थानात हा कार्यक्रम पार पडला. प्रारंभी देसाई कुटुंबीयांच्या हस्ते छत्रपती शिवाजी महाराजांच्या मूर्तीचे तसेच म्हसोबा देवस्थानाचे पूजन करण्यात आले. सामाजिक कार्यकर्ते सुनील यादव, शाम भोसले यांनी मनोगत व्यक्त करून या उपक्रमाचे कौतुक केले. यावेळी दत्ताजी कानूरकर, भिकाजी भोसले, राम यल्लाप्पा भोसले (पुजारी), किशोर भोसले, पप्पू भोसले, बादल भोसले, प्रवीण भोसले यासह इतर उपस्थित होते.