मोपावरुन थेट कुवेत,अबुधाबी विमानसेवा

पणजी : मोपा येथील मनोहर आंतरराष्ट्रीय विमानतळावरुन आता थेट कुवेत आणि अबुधाबीपर्यंत विमानसेवा सुरू होत आहे.  एअर इंडियाने तशी घोषणा केली आहे. त्यानुसार कुवेतला जाणारे पहिले विमान दि. 3 मे रोजी निघेल, तर अबुधाबीला जाणारे थेट विमान दि. 5 मे रोजी मोपावरुन निघेल. या दोन विमानांमुळे गोव्यातील प्रवाशांची फार मोठी सोय होणार आहे. विशेषत: उत्तर गोव्यातील प्रवाशांकरीता ही सुवर्णसंधी आहे.