देव मीनाचा राष्ट्रीय विक्रम, पण सातवे स्थान

वृत्तसंस्था, नागोया

देव मीनाने 5.50 मी.ची उंची गाठत स्वत:ची सर्वोत्तम कामगिरी आणि राष्ट्रीय विक्रम नोंदवला व पुरुषांच्या पोल व्हॉल्ट प्रकारात सातवे स्थान मिळवून आशियाई क्रीडा स्पर्धेतील आपल्या मोहिमेचा शानदार समारोप केला. 22 वर्षीय मीनाने दुसऱ्या प्रयत्नात ही उंची गाठली आणि आपलाच राष्ट्रीय विक्रम सुधारला. आंतरराष्ट्रीय स्तरावर या पातळीवर स्पर्धा करण्यास नुकतीच सुरुवात केलेल्या मीनाची कामगिरी प्रभावी ठरली. याच प्रकारातील दुसरा भारतीय खेळाडू कुलदीप कुमारने 5.35 मी.ची उंची गाठत 10 वे स्थान मिळवले. भारताच्या पूजा ओल्ला आणि मोहम्मद अफजल यांनी अनुक्रमे महिलांच्या आणि पुरुषांच्या 800 मी. शर्यतीत सातवे व आठवे स्थान पटकावले.