अनगोळ बडमंजीनगर रेल्वे पुलानजीकचा विद्युतखांब बदलण्याची मागणी

मजगाव : अनगोळ बडमंजीनगर जवळील रेल्वे पुलानजीकचा विद्युतखांब बदलण्याची मागणी शेतकऱ्यांनी केली आहे. गेल्या अनेक दिवसांपासून रेल्वे पुलानजीकच्या रस्त्यावरील विद्युतखांब मधोमध तुटल्याने तो धोकादायक बनला आहे. यासाठी येथील नागरिकांनी हेस्कॉमच्या अधिकाऱ्यांच्या निदर्शनास आणून दिले आहे व लेखी तक्रारही करून अद्याप धोकादायक विद्युतखांब बदलला नसल्याने सदर खांब केंव्हाही दुर्घटनाग्रस्त होवू शकतो. संबंधित अधिकाऱ्यांनी पाहणी करून त्वरित नूतन खांब बसवावा, अशी मागणी शेतकऱ्यांनी केली आहे.