सेल्फ-ड्राइव्ह टेस्ला ‘वायएल“ची डिलिव्हरी सुरु

सहा सीटर इलेक्ट्रिक एसयूव्ही एका चार्जवर 681 किमी धावणार : सुरुवातीची किंमत 61.99 लाख

वृत्तसंस्था/नवी दिल्ली

एलॉन मस्कच्या ईव्ही कंपनी टेस्ला इंडियाने भारतात आपल्या सर्वात लांब इलेक्ट्रिक एसयूव्ही मॉडेल वायएलची डिलिव्हरी सुरू केली आहे. ही टेस्लाच्या भारतातील पहिल्या कार ‘मॉडेल वाय“ ची अधिक प्रशस्त आणि तीन-रांगांची आवृत्ती आहे. तिची सर्वात मोठी वैशिष्ट्यो म्हणजे तिची 681 किमीची रेंज आणि 6-सीटर आसनव्यवस्था. टेस्ला मॉडेल वायएलची एक्स-शोरूम सुरुवातीची किंमत 61.99 लाख आहे. ही स्टँडर्ड मॉडेल वाय (59.89 लाख) पेक्षा सुमारे 2.10 लाख अधिक महाग आहे.  कंपनीने सांगितले की, वाहनांची पहिली बॅच त्यांच्या डायरेक्ट-टू-कन्झ्युमर बिझनेस मॉडेलद्वारे वितरित केली जाईल. या विशेष मॉडेलच्या मदतीने, टेस्ला कार खरेदी करण्यापासून ते तिच्या डिलिव्हरीपर्यंतचा संपूर्ण ग्राहक अनुभव व्यवस्थापित करते.

बाह्य डिझाइन : 19-इंची एअरो व्हील्स आणि आकर्षक लूक डिझाइन आहे. व्हील्स आणि स्पॉयलर: यात एअरो डिझाइन असलेले नवीन 19-इंची अलॉय व्हील्स आणि मागील बाजूस एक ब्लॅक स्पॉयलर मिळतो.

इंटिरियर आणि वैशिष्ट्यो : 16-इंचाचा टचक्रीन आणि पॅनोरॅमिक रूफ केबिनच्या आत, टेस्लाची सिग्नेचर ‘मिनिमल“ थीम देण्यात आली आहे. यात सर्वात खास 16-इंचाची मोठी टचक्रीन इन्फोटेनमेंट सिस्टीम आहे, जी गाडीची जवळपास सर्व कार्ये नियंत्रित करते.