नापोलीचा पराभव

वृत्तसंस्था/ रोम

सिरी ए फुटबॉल स्पर्धेतील जेतेपद मिळविण्याच्या नापोलीच्या आशेला पराभवामुळे धक्का बसला आहे. शनिवारी येथे झालेल्या सामन्यात इम्पोलीने नापोलीचा 1-0 अशा गोलफरकाने पराभव केला. या पराभवामुळे नापोली संघ स्पर्धेच्या गुणतक्त्यात 8 व्या स्थानावर आहे.

या स्पर्धेच्या गुणतक्त्यात इंटर मिलानचा संघ आघाडीवर असून नापोली संघ इंटर मिलानपेक्षा 34 गुणांनी पिछाडीवर आहे. शनिवारच्या सामन्यात इम्पोलीतर्फे एकमेव गोल अल्बर्टो सेरीने चौथ्या मिनिटाला हेडरद्वारे नोंदविला.