त्रिपुरारी पौर्णिमेनिमित्त सावंतवाडीत दीपोत्सव

दीपोत्सवात सहभागी होण्याचे बबन साळगावकरांचे आवाहन

रविवार दिनांक 26 नोव्हेंबरला त्रिपुरारी पौर्णिमा आहे. त्रिपुरारी पौर्णिमेच्या निमित्ताने शहरातील प्रत्येक मंदिरामध्ये दीपोत्सव होणार आहे. दीपोत्सवात शहरातील महिला भगिनींनी ५ तरी पणत्या आपल्या जवळच्या मंदिरामध्ये लावून दीपोत्सवात सहभागी व्हावे . गेल्या वर्षी मोठ्या दिमाखात दीपोत्सवामध्ये महिना भगिनींनी सहभाग दर्शवला होता. तसेच विविध संघटना तसे मंदिराच्या व्यवस्थापक प्रमुखांनी भाग घेऊन शहरातील सर्व मंदिरे दीप लावून उजळून टाकली होती . यावर्षीही असा दीपोत्सव साजरा करण्यासाठी नागरिकांनी सहभागी होण्याचे आवाहन माजी नगराध्यक्ष बबन साळगावकर यांनी केले आहे.