डीईई डेव्हलपमेंट आणि एसीएमईचा आयपीओ खुला

गुंतवणूकदारांना 21 जूनपर्यंत बोली लावण्याची संधी : किमान गुंतवणूक 14,819 रुपये गरजेची

मुंबई :

9 जून रोजी 2 इनिशियल पब्लिक ऑफर्स (आयपीओ) म्हणजेच आयपीओ शेअर बाजारात लिस्टिंगसाठी खुले झाले आहेत. यामध्ये डीईई डेव्हलपमेंट इंजिनियर्स लिमिटेड आणि एसीएमई फिनटेड इंडिया यांचा समावेश आहे. या दोन कंपन्यांच्या आयपीओबद्दल जाणून घेऊया.

डीईई डेव्हलपमेंट इंजिनियर्स लिमिटेड

डीईई डेव्हलपमेंटला या आयपीओद्वारे एकूण 418.01 कोटी उभारायचे आहेत. यासाठी, कंपनी 325 कोटी किमतीचे 16,009,852 नवीन शेअर्स जारी करेल. त्याच वेळी, कंपनीचे विद्यमान गुंतवणूकदार 93.01 कोटी किमतीचे 4,582,000 शेअर्स ऑफर फॉर सेल (ओएफएस) द्वारे विकतील. किरकोळ गुंतवणूकदार 19 जून ते 21 जून या कालावधीत या आयपीओसाठी बोली लावू शकतील. 26 जून रोजी कंपनीचे शेअर्स नॅशनल स्टॉक एक्सचेंज आणि बॉम्बे स्टॉक एक्स्चेंजवर सूचीबद्ध केले जाणार आहेत.

डीईईची स्थापना

डीईई डेव्हलपमेंट इंजिनिअर्सची स्थापना 1988 मध्ये झाली. डीईई डेव्हलपमेंट ही एक अभियांत्रिकी कंपनी आहे. कंपनी अभियांत्रिकी, खरेदी आणि उत्पादनाद्वारे तेल आणि वायू, ऊर्जा, रसायन आणि इतर उद्योगांसाठी विशेष प्रक्रिया पाइपिंग सोल्यूशन्स प्रदान करते. कंपनीच्या हरियाणा, गुजरात, राजस्थान, बँकॉक आणि थायलंडमध्ये 7 उत्पादन सुविधा आहेत.

एसीएमई फिनटेड इंडिया

एसीएमई फिनटेड इंडियाला आयपीओद्वारे एकूण 132 कोटी उभे करायचे आहेत. यासाठी, कंपनी एकूण 132 कोटी किमतीचे 11,000,000 नवीन शेअर जारी करणार आहे. यामध्ये, कंपनीचे विद्यमान गुंतवणूकदार ऑफर फॉर सेलद्वारे एकही शेअर विकणार नाहीत. ओएफएस किरकोळ गुंतवणूकदार 19 जून ते 21 जून या कालावधीत या आयपीओसाठी बोली लावू शकतील. 26 जून रोजी कंपनीचे शेअर्स नॅशनल स्टॉक एक्स्चेंज आणि बॉम्बे स्टॉक एक्स्चेंजवर सूचिबद्ध होतील.

जास्तीत जास्त 1625 शेअर्ससाठी बोली लावू शकता

या आयपीओचा प्राइस बँड 114-120 रुपये असा निश्चित करण्यात आला आहे. किरकोळ गुंतवणूकदार किमान एका लॉटसाठी बोली लावू शकतात. 120 च्या आयपीओच्या वरच्या प्राइस बँडनुसार 1 लॉटसाठी अर्ज केल्यास, यासाठी 15,000 ची गुंतवणूक करावी लागेल. त्याचवेळी, किरकोळ गुंतवणूकदार जास्तीत जास्त 13 लॉटसाठी अर्ज करू शकतात. यासाठी गुंतवणूकदारांना वरच्या किंमतीच्या बँडनुसार 195,000 ची गुंतवणूक करावी लागेल.