मळगाव अपघातातील ५ वर्षीय बालकाचे निधन

सावंतवाडी| प्रतिनिधी

मळगाव येथे मुंबई -गोवा राष्ट्रीय महामार्गावर स्वामी धाबा येथे चारचाकी वाहनाने गुरुवारी सायंकाळी ६ वाजता ठोकर दिल्याने पाच वर्षाचा बालक गंभीर झाला होता. त्याला गोवा- बांबोळी येथे वैद्यकीय महाविद्यालयात उपचारासाठी हलवण्यात आले होते. शुक्रवारी त्याचे निधन झाले. ध्रुव गौरव पावसकर वय 5 ,माणगाव दत्तनगर असे त्याचे नाव आहे .त्याची आई मुग्धा पावसकर हिचे माहेर मळगाव येथे आहे. काल त्या जुपिटर दुचाकीनेने ध्रुवला घेऊन मळगाव येथे मुंबई गोवा बायपास रोडने मळगाव ला जात होत्या. सायंकाळी साडेसहाच्या सुमारास मळगाव स्वामी धाबा येथे आले असत्ता चार चाकी वाहनाने मागून त्यांच्या जुपिटरला ठोकर दिली. त्यात त्यांचा मुलगा ध्रुव जखमी झाला. त्याला उपचारासाठी सावंतवाडीच्या उपजिल्हा रुग्णालयात आणण्यात आले .परंतु , गंभीर असल्याने गोवा येथे हलवण्यात आले. त्याचे आज निधन झाले. तपास पोलीस निरीक्षक ऋषिकेश अधिकारी करीत आहेत. अज्ञात वाहन चालकाविरुद्ध पोलीस ठाण्यात गुन्हा दाखल झाला आहे.