10 एप्रिल पासून कुडाळात दशावतार नाट्य महोत्सव

खा .नारायणराणेंच्या वाढदिवसानिमित सांगिर्डेवाडी येथे आयोजन

कुडाळ -

भाजपचे ज्येष्ठ नेते तसेच माजी मुख्यमंत्री व विद्यमान खासदार नारायण राणे यांच्या वाढदिवसानिमित विनायक राणे मित्र मंडळ व सांगिर्डेवाडी ग्रामस्थ मंडळ यांच्या संयुक्त विद्यमाने 10 ते 16 एप्रिल या कालावधीत दशावतार नाट्य महोत्सव आयोजित करण्यात आला आहे कुडाळ - सांगिर्डेवाडी येथील श्री महापुरुष गणपती मंदिर येथे हा महोत्सव होणार आहे. रोज सायंकाळी 7 वाजता नाटकाला प्रारंभ होईल.या महोत्सवात सादर करण्यात येणारी मंडळे व कथानक पुढील प्रमाणे आहेत. 10 एप्रिल रोजी आजगावकर दशावतार मंडळ (आजगाव ) यांचे *नारायणी कालेश्वर" , 11 रोजी बाळकृष्ण गोरे दशावतार मंडळ (कवठी ) यांचे "कवडी मोल धन" 12 रोजी कै.बाबी कलिंगण प्रस्तुत कलेश्वर दशावतार मंडळ (नेरूर ) यांचे "कर्म प्रकोप" ,13 रोजी खानोलकर दशावतार मंडळ ( खानोली ) यांचे असुरमर्दिनी पुण्याश्री अर्थात शस्त्रदान,14 रोजी नाईक मोचेमाडकर दशावतार मंडळ ( मोचेमाड - वेंगुर्ले ) यांचे नील माधव, 15 रोजी आरोलकर दशावतार मंडळ ( आरवली ) यांचे "पुत्र नवसाचा" ,16 रोजी देवेंद्र नाईक प्रस्तुत चेंदवणकर दशावतार मंडळ ( चेंदवण ) यांचे ट्रिकसीनयुक्त पतिव्रत्य तेज अर्थात महिमा शिवचक्र तीर्थाचा नाटक होणार होणार आहे. नाट्य रसिकांनी लाभ घ्यावा, असे आवाहन विनायक राणे मित्रमंडळ तसेच सांगिर्डेवाडी ग्रामस्थ मंडळाच्यावतीने करण्यात आले आहे.