‘आरएमसीएस’मध्ये दिसणार दर्शन कुमार

द काश्मीर फाइल्सनंतर पुन्हा दमदार भूमिकेत

द काश्मीर फाइल्स या चित्रपटातील स्वत:च्या अभिनयाद्वारे लोकांच्या मनात स्थान निर्माण करणारा अभिनेता दर्शन कुमार लवकरच ‘राजा मंत्री चोर सिपाही’ (आरएमसीएस) नावाच्या चित्रपटात दिसून येणार आहे. या चित्रपटात तो नकारात्मक छटा असलेली भूमिका साकारत आहे.

या चित्रपटाचे दिग्दर्शन गेब्रियल वत्सने केले आहे. चित्रपटात दर्शन कुमार एक अत्यंत फॅशनेबल इसमाची भूमिका साकारतोय. अलिकडेच निर्मात्यांनी या चित्रपटाच्या प्रदर्शनाची तारीख जाहीर केली आहे.

या चित्रपटामुळे मला वेगळ्या प्रकारच्या भूमिकेत स्वत:ला बुडवून घेण्याची संधी मिळाली. माझी भूमिका लोकाना पसंत पडेल आणि हा चित्रपट बॉक्स ऑफिसवर चांगली कामगिरी करेल असे माझे मानणे आहे. गेब्रियल वत्ससोबत काम करण्याचा अनुभव खरोखरच वेगळा होता. या चित्रपटाची कहाणी अत्यंत वेगळी असल्याचे दर्शनने म्हटले आहे.

हा चित्रपट टी अँड पोएट्री फिल्म्स बॅनर अंतर्गत नीरज शर्मा आणि सीमा सैनी यांनी निर्माण केला आहे. सीमा सैनी यांनी याची पटकथा लिहिली आहे. तर चित्रपटाला संजय बोस यांचे संगीत लाभले आहे. हा चित्रपट हिंदीसोबत तमिळ, तेलगू भाषेतही प्रदर्शित होणार आहे.