शिवाजीनगर येथील झाडाच्या धोकादायक फांद्या हटविल्या

बेळगाव : शहरातील धोकादायक झाडे आणि फांद्या हटविण्याचे काम वनखात्याकडून हाती घेण्यात आले. परतीच्या पावसामुळे धोकादायक झाडांची पडझड होऊ लागली आहे. या पार्श्वभूमीवर खात्याने धोकादायक झाडांवर कार्यवाही सुरू केली आहे. शिवाजीनगर मेन रोड येथील धोकादायक झाडांच्या फांद्या गुरुवारी तोडण्यात आल्या. शहरातील धोकादायक झाडे व फांद्या हटवाव्यात, अशी मागणी होत होती. याची दखल घेऊन वनखातर्फे शहरातील धोकादायक स्थितीत असलेली झाडे व फांद्या हटविल्या जात आहेत. शहरात आयुर्मान संपलेल्या झाडांची संख्या मोठी आहे. वादळी पावसात अशी झाडे कधी कोसळतील याचा नेम नाही. धोका लक्षात घेऊन वनखात्यामार्फत झाडे आणि फांद्या हटविण्याची कार्यवाही सुरू झाली आहे.