दांडेली येथील भजन स्पर्धेत दाडोबा भजन मंडळ प्रथम

गावमर्यादित स्पर्धा : राष्ट्रोळी प्रासादिक भजन मंडळ वरचावाडा द्वितीय

न्हावेली / वार्ताहर
दांडेली सरपंच नीलेश आरोलकर आयोजित जय हनुमान मित्रमंडळ,घोणसेवाडी ग्रामस्थ व दांडेली यांच्या सहकार्याने दांडेली आरोस गावमर्यादित भजन स्पर्धेत दाडोबा प्रासादिक भजन मंडळाने प्रथम क्रमांक पटकावला.वरचावाडा येथील श्री राष्ट्रोळी प्रासादिक भजन मंडळाने द्वितीय घोणसेवाडी येथील श्री स्वामी समर्थ प्रासादिक भजन मंडळाने तृतीय तर फणसमाडे येथील श्री देव हनुमान प्रासादिक भजन मंडळाने उत्तेजनार्थ प्रथम क्रमांक उत्तेजनार्थ श्री गिरोबा प्रासादिक भजन मंडळाने उत्तेजनार्थ द्वितीय क्रमांक मिळविला. जय हनुमान मित्रमंडळ घोणसेवाडी ग्रामस्थ व दांडेली ग्रामस्थांच्या वतीने या स्पर्धेचे आयोजन करण्यात आले होते.एकूण आठ भजन संघानी सहभाग घेतला होता.मान्यवरांच्या हस्ते दीपप्रज्वलन करुन स्पर्धेचे उद्घाटन करण्यात आले.याप्रसंगी सिंधुदुर्ग जिल्हा बँक अध्यक्ष मनीष दळवी आरोस सरपंच शंकर नाईक,संजू पांगम,योगेश नाईक,सुरेश गावडे,बाळू कांडरकर,बाळा मोरजकर आदी मान्यवर उपस्थित होते.प्रथम क्रमांकाला 5000 रुपये ,द्वितीय 3000 रुपये,2000 रुपये,उत्तेजनार्थ 1000 रुपये तसेच 500 रुपये व सन्मानचिन्ह देऊन गौरविण्यात आले.

उर्वरित निकाल पुढीलप्रमाणे --- उत्कृष्ट गायक - ( श्रीधर नार्वेकर ) जय हनुमान प्रासादिक भजन मंडळ,बाजार,उत्कृष्ट पखवाज -( सचिन पांगम) श्री देव दाडोबा प्रासादिक भजन मंडळ,दांडेली उत्कृष्ट हार्मोनियम - (वैभव मोरजकर ) श्री देव दाडोबा प्रासादिक भजन मंडळ,दांडेली,उत्कृष्ट झांजवादक - (रोहन सावंत ) स्वामी समर्थ प्रासादिक भजन मंडळ,उत्कृष्ट तबला - ( प्रथमेश नाईक) राष्ट्रोळी प्रासादिक भजन मंडळ,उत्कृष्ट कोरस - ( श्री देव हनुमान प्रासादिक भजन मंडळ,फणसमाडे ) उत्कृष्ट शिस्तबद्ध संघ - ( ओकांर नाईक) श्री महापुरुष प्रासादिक भजन मंडळ या मंडळाला देण्यात आला.स्पर्धेचे परिक्षक म्हणून वैभव परब तुळस यांनी केले.सूत्रसंचालन संदिप दळवी यांनी केले.