निदा दार, अलिया रियाज यांना डच्चु

वृत्तसंस्था / लाहोर

पाकिस्तान क्रिकेट मंडळाने (पीसीबी) अलिकडेच महिला क्रिकेटपटूंबरोबर नवा मध्यवर्ती करार केला आहे. पीसीबीने 16 महिला क्रिकेटपटूंची नावे जाहीर केली असून त्यामध्ये अनुभवी निदा दार, अलिया रियाज आणि चिदरा नवाज यांना वगळण्यात आले आहे. तसेच अनुषा नासीर, इमान फातिमा व शेवाल झुल्फीकार यांचाही या मध्यवर्ती करारात समावेश करण्यात आलेला नाही.

गेल्यावर्षी पीसीबीने 20 महिला क्रिकेटपटूंशी मध्यवर्ती करार केला होता. पाक संघातील मुनीबा अली, कर्णधार फातिमा सना यांना अ गटात बढती मिळाली आहे. त्याच प्रमाणे सिद्रा अमिनला अ गटात संधी देयात आली आहे. नेशरा  संधू, सादिया इक्बाल यांचा ब गटात, डायना बेग ओमीमा सोहेल यांचा गटात तर गुलाम फातिमा, गुल फिरोजा, नाझीहा अल्वी, रमीन शमीम, सदाफ क्षमास, सायदा, अरुब शहा, तस्मिया रुबाब, तुबा हसन आणि उमी हानी यांचा ड गटात समावेश आहे.