कमिन्स पुनरागमनासाठी सज्ज

वृत्तसंस्था / अॅडलेड

अॅशेस कसोटी मालिकेतील इंग्लंड विरुद्ध अॅडलेड येथे होणाऱ्या तिसऱ्या कसोटीत पुनरागमन करण्यासाठी ऑस्ट्रेलियाचा नियमीत कर्णधार पॅट कमिन्स सज्ज झाला आहे. दुखापतीमुळे त्याला या मालिकेतील पहिल्या दोन सामन्यांत खेळता आले नाही.

या मालिकेत यजमान ऑस्ट्रेलियाने इंग्लंडवर 1-0 अशी आघाडी मिळविली आहे. सध्या ब्रिस्बेनमध्ये दिवसरात्रीचा दुसरा कसोटी सामना सुरू आहे. पाठ दुखापतीमुळे कमिन्सला पहिल्या दोन सामन्यांत खेळता आले नव्हते. त्याच्या या गैरहजेरीत स्टीव्ह स्मिथने ऑस्ट्रेलियाचे नेतृत्व केले आहे. तर पर्थच्या पहिल्या कसोटीत कमिन्सच्या जागी बोलँडला संघात स्थान देण्यात आले होते. त्याच प्रमाणे अॅडलेडच्या तिसऱ्या कसोटीसाठी वेगवान गोलंदाज हॅजलवूड तंदुरुस्तीच्या समस्येवरुन खेळण्याची शक्यता कमी आहे.