Sangli News : सांगलीत जप्त फ्लॅटचा ताबा घेणाऱ्या दोघांवर गुन्हा

                            सांगली पोलिसांनी जप्त फ्लॅटवर बेकायदा ताब्याविरुद्ध गुन्हा नोंद

सांगली : कर्जाच्या थकबाकीपोटी जप्त केलेल्या फ्लॅटचा बेकायदा ताबा घेतल्याप्रकरणी कर्जदार अभिजीत बापूसाहेब पाटील व पत्नी निकिता अभिजीत पाटील (रा. वानलेसवाडी) यांच्याविरुद्ध विश्रामबाग पोलीस ठाण्यात गुन्हा दाखल करण्यात आला आहे.

याबाबत युनियन बैंक ऑफइंडियाचे मुख्य व्यवस्थापक संजयकुमार गुप्ता यांनी फिर्याद दिली आहे. कर्जदार अभिजीत व निकिता पाटील या दाम्पत्याने १५ ऑक्टोबर ते १० नोव्हेंबर या कालावधीत निसर्ग व्हीला अपार्टमेंटमधील थकबाकीपोटी बँकेने जप्त केलेल्या सीलबंद फ्लॅटचे सील तोडून बेकायदा ताबा घेतल्याचे फिर्यादीत म्हटले आहे.