देशात दरवर्षी 90 लाख कार उत्पादनाचे ध्येय

देशातील मुख्य 5 कंपन्यांचा राहणार समावेश : उत्पादन 65  टक्क्यांनी वाढून 1 लाख कोटी करण्याचे ध्येय

वृत्तसंस्था/मुंबई

देशातील पाच प्रमुख कार कंपन्या पुढील 5-6 वर्षांत सुमारे 1 लाख कोटी रुपये गुंतवून उत्पादन क्षमता 65 टक्क्यांनी वाढवणार आहेत. यामुळे कारचे वार्षिक उत्पादन 55 लाखांवरून 90 लाखांपर्यंत वाढू शकते. वाढत्या मागणीच्या पार्श्वभूमीवर, यामुळे पुरवठा वाढेल, नवीन मॉडेल्स सादर होतील आणि लोकप्रिय मॉडेल्ससाठी प्रतीक्षा कालावधी कमी होईल. देशातील प्रमुख ऑटोमोबाईल कंपन्या, मारुती सुझुकी इंडिया, टोयोटा किर्लोस्कर मोटर, महिंद्रा अँड महिंद्रा, टाटा मोटर्स आणि जेएसडब्ल्यू एमजी मोटर इंडिया यांनी आक्रमक विस्ताराची योजना आखली आहे. या अंतर्गत, मोठ्या गुंतवणुकीसह नवीन कारखाने उघडले जातील. एसयूव्ही, ईपी आणि हायब्रिड तंत्रज्ञानावर भर दिला जाईल. याचा अर्थ असा की येत्या काळात स्पर्धा वाढेल. परिणामी, चांगल्या वैशिष्ट्यांसह कार आतापेक्षा कमी किमतीत बाजारात येऊ शकतात.

क्षमता वाढवण्याची शर्यत

मारुती सुझुकी : 35,000 कोटी रुपये नवीन गुंतवणूक करत कंपनी सध्या दरवर्षी 26 लाख कार तयार करू शकते. 2027 ते 2030 दरम्यान अतिरिक्त 15 लाख कार जोडल्या जातील. गुजरातमधील गांधीनगर येथे दरवर्षी 10 लाख कारचा एक नवीन मोठा प्लांट बांधला जाईल. वाढत्या स्पर्धेदरम्यान कंपनीला आपला बाजार हिस्सा जपायचा आहे.

टोयोटा किर्लोस्कर मोटर : क्षमता दुप्पट करण्यासाठी टोयोटा किर्लोस्कर मोटर आपली उत्पादन क्षमता दरवर्षी 10 लाख कारपर्यंत दुप्पट करणार आहे. बिदाडी (कर्नाटक) प्लांटचा विस्तार करतानाच महाराष्ट्रातील छत्रपती संभाजीनगर येथे एक नवीन मोठा कारखाना उभारला जाईल. यामुळे फॉर्च्युनर, इनोव्हा सारख्या मॉडेल्सची दीर्घ प्रतीक्षा कमी होईल.

महिंद्रा अँड महिंद्रा : वार्षिक उत्पादन 7.4 लाखांनी वाढेल. नागपुरात 5 लाख आणि चाकणमध्ये 2.4 लाख युनिट्सचे उत्पादन कंपनी करेल. सध्याची उत्पादन क्षमता 7.74 लाख कारची आहे. 2030 पर्यंत ती 15 लाखांच्या वर नेण्याचे लक्ष्य आहे. 2027 मध्ये येणाऱ्या कॉम्पॅक्ट एसयूव्ही श्रेणीसाठी हे आवश्यक आहे.

टाटा मोटर्स नवीन ईव्ही, एसयूव्ही लाँच करणार आहे. कंपनी तामिळनाडूमध्ये एक नवीन प्लांट उभारणार आहे. त्यासाठी 9,000 कोटी रुपये खर्च येईल आणि दरवर्षी 2.5 लाख कार बनवल्या जातील. सध्याचे कारखाने दरवर्षी 8.5 लाख कार बनवत आहेत. कंपनी इलेक्ट्रिक कार आणि एसयूव्हीच्या नवीन मॉडेल्सवर लक्ष केंद्रित करेल. नवीन मॉडेल्स लाँच केले जातील.

यामुळेच आक्रमक विस्ताराची गरज

• जीएसटीच्या रचनेत बदल आणि कपातींमुळे करप्रणाली पूर्णपणे स्पष्ट झाली आहे. पूर्वी कराच्या बाबतीत अनिश्चितता होती, परंतु आता कंपन्या दीर्घकालीन योजना आखू शकतात.
• मागणी सतत वाढत आहे. येत्या काही वर्षांतही कमी-अधिक प्रमाणात अशीच परिस्थिती राहील. वाहन विक्रेते संघटना एफएडीएचे अध्यक्ष सीएस विघ्नेश्वर म्हणाले की, जीएसटीमध्ये कपात केल्याने अनेक वर्षे मागणी मजबूत राहील. देशांतर्गत आणि परदेशी बाजारपेठेत मजबूत मागणी हे सर्वात मोठे आकर्षण आहे.
• 2025 मध्ये विक्रमी 45.30 लाख कार विकल्या जातील.
• देशांतर्गत बाजारपेठेत विक्री वर्षाच्या आधारावर 7.3 टक्के वाढली, इलेक्ट्रिक वाहनांच्या नोंदणीत 17 टक्के वाढ झाली
• वाहनांच्या निर्यातीत 19.2टक्क्यांची तीव्र वाढ झाली.