कॉपर प्रकल्प : 470 कोटींची गुंतवणूक

हिंदुस्थान कॉपरकडून आरडी इंजिनिअरिंगला कंत्राट देण्यास मंजुरी

नवी दिल्ली :

खाणकाम कंपनी हिंदुस्थान कॉपर लिमिटेडचे शेअर्स बुधवारी चर्चेत राहतील. एक सार्वजनिक क्षेत्रातील कंपनी मध्य प्रदेशात वार्षिक 30 लाख टन  क्षमतेच्या नवीन कॉपर कॉन्सन्ट्रेट प्रकल्पासाठी सुमारे 470 कोटी रुपयांची गुंतवणूक करण्याच्या तयारीत आहे.  दरम्यान यावर  हिंदुस्थान कॉपरने एका नियामक फाइलिंगमध्ये म्हटले आहे की, संचालक मंडळाने मध्य प्रदेशातील मालनजखंड कॉपर प्रोजेक्टमध्ये हा प्रकल्प  उभारण्यासाठी आरडी इंजिनिअरिंग लिमिटेडला टर्नकी कंत्राट देण्यास मंजुरी दिली आहे. 469.55 कोटी रुपये खर्चाचा हा प्रकल्प 27 महिन्यांत पूर्ण होण्याची  शक्यता आहे.

टर्नकी तत्त्वावर होणार निर्मिती

कंपनीचे हे कंत्राट टर्नकी तत्त्वावर राबवले जाणार आहे, याचा अर्थ असा की, आरडी इंजिनिअरिंग लिमिटेड संपूर्ण प्रकल्पाची रचना (डिझाइन) करण्यापासून ते कार्यान्वित (कमिशनिंग) करण्यापर्यंतची संपूर्ण अंमलबजावणी हाताळण्यात येणार आहे.  यासाठी 30 मार्च 2026 रोजी झालेल्या कंपनीच्या 461 व्या संचालक मंडळाच्या बैठकीत मंजुरी देण्यात आली. ही माहिती सेबी (लिस्टिंग ऑब्लिगेशन अँड डिस्क्लोजर रिक्वायरमेंट्स) रेग्युलेशन्स, 2015 अंतर्गत प्रदान करण्यात आली आहे.

महत्त्वाचे....

मध्य प्रदेशात असणार कंपनीचा प्रकल्प

27 महिन्यात प्रकल्प पूर्ण करणार कंपनी

समभागाच्या कामगिरीकडे  गुंतवणुकदारांचे लक्ष