सावंतवाडी मतदारसंघात 130 ठिकाणी संविधान गौरव दिन साजरा होणार

महाविकास आघाडी संविधानाचा फायदा घेत जातींमध्ये तेढ निर्माण करतेय ; चंद्रकांत जाधव

सावंतवाडी । प्रतिनिधी

भारतीय जनता पक्ष आणि अनुसूचित जाती मोर्चा तर्फे 26 नोव्हेंबर ते 6 डिसेंबर या कालावधीत सावंतवाडी विधानसभा मतदारसंघात प्रत्येक बूथ स्तरावर संविधान गौरव दिन 130 ठिकाणी साजरा करण्यात येणार असे अनुसूचित जाती मोर्चा जिल्हा सरचिटणीस चंद्रकांत जाधव यांनी आज सावंतवाडी भाजप कार्यालयात झालेल्या पत्रकार परिषदेत स्पष्ट केले. दरम्यान, भाजपने आजपर्यंत संविधान जपण्याचे काम केले आहे. परंतु ,महाविकास आघाडीचे नेते संविधानाचा फायदा उचलत जाती-जातीमध्ये तेढ निर्माण करण्याचा प्रयत्न करतायत. तसेच भाजप संविधान बदलणार अशा खोट्या अफवा विरोधी पक्षातील लोक करतायत. त्यामुळे महाविकास आघाडीच्या नेत्यांनी लोकांमध्ये तेढ निर्माण करणे बंद करावे. सत्तर वर्षात जनतेला संविधानाची माहितीच नव्हती परंतु, भाजपने गेल्या नऊ वर्षात लोकांना संविधानाची खऱ्या अर्थाने ओळख करून दिली. असे प्रतिपादन अनुसूचित जाती मोर्चा जिल्हा सरचिटणीस चंद्रकांत जाधव यांनी केले.
यावेळी अनुसूचित जाती महिला मोर्चा जिल्हाध्यक्षा सोनल जाधव, परीक्षित मांजरेकर प्रकाश जाधव, शेर्ले सरपंच प्रांजल जाधव, आदी उपस्थित होते.