For the best experience, open
https://m.tarunbharat.com
on your mobile browser.
Advertisement

काँग्रेसकडून आणखी तीन मतदारसंघातील उमेदवार जाहीर

06:22 AM Mar 30, 2024 IST | Tarun Bharat Portal
काँग्रेसकडून आणखी तीन मतदारसंघातील उमेदवार जाहीर

कोलारमधील तिकिट वाटपाचा तिढा कायम

Advertisement

प्रतिनिधी/ बेंगळूर

लोकसभा निवडणुकीसाठी काँग्रेसने यापूर्वी 24 उमेदवारांची नावे जाहीर केली होती. शुक्रवारी रात्री बळ्ळारी, चामराजनगर आणि चिक्कबळ्ळापूर या तीन लोकसभा मतदारसंघांतील उमेदवार जाहीर करण्यात आले. कोलार मतदारसंघातून कोणाला उमेदवारी जाहीर करावी, यावर अद्याप तोडगा निघालेला नाही.

Advertisement

बळ्ळारी लोकसभा मतदारसंघातून ई. तुकाराम यांना उमेदवारी जाहीर करण्यात आली आहे. तर चामराजनगरमध्ये मंत्री एस. सी. महादेवप्पा यांचे पुत्र सुनील बोस यांना तिकीट देण्यात आले आहे. युवा काँग्रेस नेते रक्षा रामय्या यांना लोकसभा निवडणूक रिंगणात उतरविण्यात आले आहे.

Advertisement

कोलार मतदारसंघातून मंत्री के. एच. मुनियप्पा यांच्या जावयाला तिकीट देण्यास कोलार जिल्ह्यातील एका मंत्र्यासह चार आमदारांनी आक्षेप घेतला होता. त्यामुळे येथून कोणाला उमेदवारी जाहीर करावी, याविषयी पेच निर्माण झाला आहे. दोन-तीन दिवसांत येथील उमेदवार निश्चित केला जाण्याची शक्यता आहे.

Advertisement
Tags :
×

.