कळसा-भांडुरा योजना त्वरित पूर्ण करा

बेळगाव : उत्तर कर्नाटकातील नागरिकांची पाणी समस्या दूर करण्यासाठी कळसा-भांडुरा योजना त्वरित पूर्ण करण्याची मागणी नरगुंद येथील महिला आंदोलकांनी केली आहे. यासंबंधी शुक्रवारी जिल्हाधिकाऱ्यांना निवेदनही देण्यात आले आहे. त्रिवेणी शिवपुत्रय्या पटाद व अॅड. मीनल कालकुंद्रीकर आदींच्या उपस्थितीत आंदोलनासाठी आलेल्या कळसा-भांडुरा आंदोलन समितीच्या महिलांनी जिल्हाधिकारी कार्यालयातील अधिकाऱ्यांना निवेदन देऊन योजनेचे काम त्वरित पूर्ण करण्याची मागणी करण्यात आली.