कॉग्निझंटला 500 दशलक्ष डॉलरचे मिळाले कंत्राट

वृत्तसंस्था/ नवी दिल्ली

माहिती तंत्रज्ञान (आयटी) सेवा कंपनी कॉग्निझंटने शुक्रवारी सांगितले की दुसऱ्या तिमाहीत आतापर्यंत त्यांना दोन कंत्राट (किमान 500 दशलक्ष डॉलर) मिळाली आहेत. यामुळे या वर्षीच्या कंत्राटांची संख्या तीन झाली आहे. उल्लेखनीय म्हणजे, कंपनी पुढील तीन वर्षांत पुन्हा भारतातील टॉप चार आयटी सेवा कंपन्यांपैकी एक बनण्याच्या मार्गावर आहे.  नॅस्डॅकवर सूचीबद्ध असलेल्या कंपनीचे आर्थिक वर्ष जानेवारी ते डिसेंबर असे असते. बँक ऑफ अमेरिका टेक्नॉलॉजी कॉन्फरन्समध्ये, कॉग्निझंट अमेरिकेचे अध्यक्ष सूर्या गुम्माडी म्हणाले की, 30 जून रोजी संपलेल्या दुसऱ्या तिमाहीत कंपनीला मिळालेली दोन कंत्राटे संप्रेषण, मीडिया आणि तंत्रज्ञान आणि आरोग्य विज्ञान व्यवसायांशी संबंधित मिळाली आहेत.  2024 च्या सुरुवातीला, कॉग्निझंटने 100 दशलक्ष डॉलरपेक्षा जास्त किमतीचे 29 मोठे सौदे आणि त्यापूर्वी एक वर्ष आधी 17 सौदे मिळवले होते. त्यानंतर रवी कुमार यांनी कंपनीचे मुख्य कार्यकारी अधिकारी पद स्वीकारले. 2025 च्या पहिल्या तिमाहीच्या अखेरीस, आरोग्य विज्ञान क्षेत्रातील एका मोठ्या करारासह चार करार झाले आहेत.