१२ वर्षांनी येतोय कॉकटेल २

शाहिदसोबत दिसणार सारा अन् अनन्या

बॉलिवूडमध्ये सध्या अनेक चांगले चित्रपट प्रदर्शित होत आहेत. आता 12 वर्षांपूर्वी प्रदर्शित झालेला चित्रपट कॉकटेलचा सीक्वेल येणार आहे. कॉकटेल या चित्रपटात सैफ अली खान, दीपिका पदूकोन आणि डायना पेन्टी यांनी मुख्य भूमिका साकारली होती. या चित्रपटाच्या कथानकासोबत त्यातील गाणी सुपरहिट ठरली होती. आता या चित्रपटाच्या सीक्वेलची घोषणा झाली असून सैफ, दीपिका आणि डायना हे यात दिसणार नाहीत. कॉकटेल 2 मध्ये सैफच्या ऐवजी अभिनेता शाहिद कपूरची वर्णी लागली आहे.  तर दीपिका आणि डायनाऐवजी सारा आणि अनन्या पांडे या चित्रपटात झळकणार आहेत. निर्मात्यांनी आता कॉकटेल चित्रपटाची प्रेंचाइजी तयार करण्याचा विचार चालविला आहे. शाहिद कपूने या सीक्वेलमध्ये काम करण्यास रस दाखविला आहे. शाहिदचा हा नवा चित्रपट पुढील वर्षी प्रदर्शित होणार आहे. तेरी बातों मे उलझा जिया नंतर कॉकटेल 2 हा शाहिदचा दिनेश विजानसोबतचा दुसरा चित्रपट असणार आहे. शाहिद या चित्रपटात अनन्या पांडे आणि सारा अली खानसोबत रोमान्स करताना दिसून येणार आहे. होमी अदजानिया या चित्रपटाचे दिग्दर्शन करणार आहेत. शाहिद कपूरचा देवा हा चित्रपट 14 फेब्रुवारीला प्रदर्शित होणार आहे.