Death Threat to CJP Founder "भाजपमध्ये ये नाहीतर, अमेरिकेतही जीव घेऊ" झुरळ जनता पार्टीच्या संस्थापकाला जीवे मारण्याच्या धमक्या

सरन्यायाधिश सूर्यकांत यांच्या बेरोजगार तरुणांबद्दलच्या  वादग्रस्त वक्तव्यानंतर स्थापन झालेल्या कॉक्रोच जनता पार्टीची सध्या सोशल मिडियावर चांगलीच क्रेझ पाहायला मिळत आहे. एका बाजूला या पक्षाची सदस्यसंख्या आणि लोकप्रियता वाढत असताना दुसऱ्या बाजूला या पक्षाचा संस्थापक अभिजीत दिपके यांना जीवे मारण्याच्या धमक्या मिळत आहेत.

व्हॉट्स अपवर आल्या धमक्या

व्हॉट्सॲपवर अज्ञात क्रमांकांवरून कथितरित्या आलेल्या मेसेजेसचे स्क्रीनशॉट शेअर करत, दीपके यांनी 'X' वर लिहिले, “आता जीवे मारण्याच्या धमक्या येत आहेत.” स्क्रीनशॉटमध्ये दाखवलेल्या मेसेजेसमध्ये दीपके यांना भाजपमध्ये सामील होण्याचा किंवा अमेरिकेतही जीवे मारण्याचा इशारा दिल्याचे दिसते. दुसऱ्या एका वेगळ्या क्रमांकावरून पाठवलेल्या आणखी एका स्क्रीनशॉटमध्ये, त्यांना कथितरित्या आणखी धमकी देण्यात आली आहे की, आता आमच्याकडे तुझा फोन नंबर असल्याने, तुझा पत्ता शोधायला “जास्त वेळ लागणार नाही.”