कोल इंडियाची सौरऊर्जा प्रकल्पावर मोठी कामगिरी

भांडवली खर्च झाला दुप्पट : कंपनीचे स्पष्टीकरण

नवी दिल्ली :

आर्थिक वर्षात आतापर्यंत सौर प्रकल्पांवरील भांडवली खर्च दुप्पट झाला आहे. कंपनीने आपले पूर्ण वर्षाचे लक्ष्य ओलांडले आहे आणि विविधीकरण योजनेअंतर्गत स्वच्छ ऊर्जा प्रकल्पांना गती देत असल्याचे कोल इंडिया लिमिटेड (सीआयएल) ने जाहीर केले आहे.

कंपनीच्या निवेदनानुसार, आर्थिक वर्ष 2026 मध्ये जानेवारीपर्यंत सौरऊर्जा उपक्रमांवरील सीआयएलचा भांडवली खर्च 961 कोटी रुपयांपर्यंत वाढला आहे, जो गेल्या वर्षीच्या याच कालावधीत 412 कोटी रुपयांच्या खर्चापेक्षा 2.33 पट जास्त आहे. हा खर्च जानेवारी 2026 पर्यंत निश्चित केलेल्या 729 कोटी रुपयांच्या प्रगतीशील लक्ष्याच्या 132 टक्के आहे. कोल इंडियाने 2026 च्या संपूर्ण आर्थिक वर्षात सौरऊर्जेसाठी 957 कोटी रुपयांचे भांडवली खर्चाचे लक्ष्यही ओलांडले आहे. खर्चातील ही वाढ कंपनीचे हरित उर्जेचा पर्यायी स्रोत म्हणून सौरऊर्जा क्षमता वाढवण्यावर लक्ष केंद्रित असल्याचे प्रतिबिंबित करते. कंपनीच्या एका वरिष्ठ अधिकाऱ्याने सांगितले की, ‘कंपनीच्या ऊर्जा विविधीकरणात सौरऊर्जा आघाडीवर आहे. भविष्यात स्वच्छ उर्जेच्या क्षेत्रात सौर ऊर्जा महत्त्वाची भूमिका बजावेल आणि आम्ही देशाच्या ऊर्जा क्षेत्रात प्रासंगिक राहण्यासाठी पायाभरणी करत आहोत’.