चेन्नईचा मुकाबला आज ‘आरसीबी’शी

वृत्तसंस्था/ बेंगळूर:

आज रविवारी बेंगळूऊमध्ये चेन्नई सुपर किंग्सविऊद्ध खेळताना रॉयल चॅलेंजर्स बेंगळूर संघ आयपीएलमध्ये सलग दुसरा विजय मिळवण्याबाबत खूप आशावादी असेल. चेन्नई सुपर किंग्सला संजू सॅमसनच्या सुस्त सुऊवातीमुळे आणि मजबूत गोलंदाजीच्या पर्यायांच्या अभावामुळे अडचणींचा सामना करावा लागत आहे.

28 मार्च रोजी एम. चिन्नास्वामी स्टेडियमवर सनरायझर्स हैदराबादविऊद्ध झालेल्या पहिल्या सामन्यानंतर रॉयल चॅलेंजर्स संघ पूर्णपणे विश्रांती घेऊन तयार झाला आहे. तो सामना त्यांनी सहा गडी राखून जिंकला होता. याव्यतिरिक्त, आरसीबी आता त्यांच्या प्रतिस्पर्ध्यांपेक्षा खूपच सरस संघ आहे. विराट कोहलीच्या देखरेखीखाली त्यांच्याकडे एक स्थिर आघाडीची फळी आहे. देवदत्त पडिक्कललाही लय मिळाल्याचे दिसून आले असून रजत पाटीदारने संघाचे नेतृत्व करणे आणि आरसीबीच्या मधल्या फळीला आधार देणे या आपल्या दुहेरी भूमिकेत समाधान मानल्याचे दिसून येत आहे. पण आरसीबीने गोलंदाजीमध्ये प्रचंड सुधारणा केली आहे. जोश हेझलवूडच्या अनुपस्थितीमुळे गतविजेत्या संघाला अडचणी येतील अशी अपेक्षा होती, पण जेकब डफीने सहजपणे त्याची जागा घेतली आहे. यजमान संघ या सामन्यासाठी अभिनंदन सिंगच्या जागी डावखुरा वेगवान गोलंदाज मंगेश यादवला संघात घेण्याचाही विचार करू शकतो.

कृणाल पांड्या आणि सुयश शर्मा हे टी-20 मधील सर्वोत्तम फिरकी गोलंदाजांमध्ये गणले जात नाहीत, परंतु मधल्या षटकांमध्ये आपल्या प्रभावी गोलंदाजीने त्यांनी आरसीबीला चांगली मदत केली आहे आणि आता त्यांना सीएसकेच्या शिवम दुबे, सर्फराज खान आणि आयुष म्हात्रे या सक्षम मधल्या फळीला रोखावे लागेल. चेन्नईला वाटचालीत बदल हवा असला, तरी त्यासाठी त्यांच्या गोलंदाजांना स्वत:ची ‘पटकथा’ बदलावी लागेल. दोन सामन्यांमध्ये 30.5 षटकांत त्यांनी केवळ सात गड्यांच्या बदल्यात 338 धावा दिल्या आहेत.

संघ-रॉयल चॅलेंजर्स बेंगळूर : रजत पाटीदार (कर्णधार), अभिनंदन सिंग, भुवनेश्वर कुमार, देवदत्त पडिक्कल, जितेश शर्मा,कृणाल पंड्या, रसिक दार, सुयश शर्मा, स्वप्नील सिंग, विराट कोहली, व्यंकटेश अय्यर, मंगेश यादव, कनिष्क चौहान, विहान मल्होत्रा, विकी ओस्तवाल, सात्विक देसवाल.

चेन्नई सुपर किंग्स : ऋतुराज गायकवाड (कर्णधार), अंशुल कंबोज, गुरजपनीत सिंग, एम. एस. धोनी, मुकेश चौधरी, रामकृष्ण घोष, संजू सॅमसन, शिवम दुबे, श्रेयस गोपाल, खलील अहमद, आयुष म्हात्रे, उर्विल पटेल, कार्तिक शर्मा, प्रशांत वीर, राहुल चहर, सर्फराज खान, अमन खान.

सामन्याची वेळ : संध्याकाळी 7.30 वा.