कोलगेट-पामोलिव्हच्या व्यवस्थापनात बदल

मनीष आनंदानी होणार नवे एमडी आणि सीईओ

वृत्तसंस्था/नवी दिल्ली

एफएमसीजी क्षेत्रातील कंपनी कोलगेट-पामोलिव्ह इंडियाने आपल्या सर्वोच्च नेतृत्वात एका मोठ्या बदलाची घोषणा केली आहे. कंपनीच्या सध्याच्या एमडी आणि सीईओ, प्रभा नरसिंहन यांना आशिया-पॅसिफिक विभागाच्या कार्यकारी उपाध्यक्षपदी पदोन्नती देण्यात आली आहे. त्यांच्या जागी केनह्यूचे मनीष आनंदानी कंपनीचे नेतृत्व करतील.

प्रभा नरसिंहन यांचा कार्यकाळ

कोलगेट-पामोलिव्ह इंडियामधील प्रभा नरसिंहन यांचा गेल्या चार वर्षांचा कार्यकाळ खूप यशस्वी ठरला आहे. त्यांच्या नेतृत्वाखाली, कंपनीने ‘प्रीमियमीकरण’ (उत्कृष्ट उत्पादनांवर भर) हे धोरण अवलंबले, ज्यामुळे कंपनीच्या महागड्या उत्पादनांची विक्री व्यापक बाजारपेठेच्या तुलनेत पाचपटीने वाढली. त्यांनी केवळ डिजिटल परिवर्तनावरच लक्ष केंद्रित केले नाही, तर क्विक-कॉमर्स आणि ई-कॉमर्ससारख्या आधुनिक माध्यमांद्वारे कंपनीला नव्या उंचीवर नेले. त्यांच्या कार्यकाळात कंपनीने केवळ बाजारपेठेतील आपले वर्चस्वच टिकवले नाही, तर नफ्याच्या बाबतीतही नवीन विक्रम प्रस्थापित केले.

मनीष आनंदानी यांची ‘घर वापसी’

मनीष आनंदानी यांचे कोलगेट-पामोलिव्हमध्ये आगमन म्हणजे ‘घरी परतण्यासारखे’ आहे. यापूर्वी ते केनह्यू (पूर्वीचे जॉन्सन अँड जॉन्सन कंझ्युमर हेल्थ) येथे भारत आणि दक्षिण आशियाचे एमडी होते. मनीष यांचे कोलगेटसोबत जुने नाते आहे. त्यांनी 2005 ते 2018 या काळात या बीच कंपनीसोबत 13 वर्षे काम केले आहे. या काळात त्यांनी भारत, इंडोचायना आणि ग्लोबल कॉर्पोरेट ऑफिसमध्ये महत्त्वाची पदे भूषवली आहेत. त्यांना ओरल केअर मार्केटची सखोल माहिती आहे,