‘फेड’च्या निर्णयाअगोदर सावध भूमिका

बीएसई सेन्सेक्स 500 अंकांनी प्रभावीत : दोन दिवसात गुंतवणूकदारांना 7 लाख कोटींचा फटका

मुंबई :

चालू आठवड्यातील तिसऱ्या दिवशी बुधवारी देशांतर्गत शेअर बाजार सलग पाचव्या सत्रात घसरणीसह बंद झाला. अमेरिकन फेडरल रिझर्व्ह या केंद्रीय बँकेच्या  बैठकीपूर्वी, परदेशी गुंतवणूकदार जोखमीपासून बचाव करत राहिले आणि  अमेरिकन स्टॉकमधील गुंतवणुकीमुळे भारतीय इक्विटी विकत असल्याचे दिसून आले. तसेच, कोणतेही मोठे देशांतर्गत ट्रिगर नसल्यामुळे बुधवारी बाजार प्रभावीत होत बंद झाला आहे.

दिग्गज कंपन्यांच्या नकारात्मक कामगिरीमुळे बीएसई सेन्सेक्स किरकोळ घसरून 80,666.26 वर उघडला. मात्र दिवसअखेरीस सेन्सेक्स 502.25 अंकांनी प्रभावीत होत निर्देशांक 0.62 टक्क्यांसह 80,182.20 वर बंद झाला. दुसऱ्या बाजूला राष्ट्रीय शेअर बाजाराचा निफ्टी हा 137.15 अंकांनी घसरून निर्देशांक 24,198.85 वर बंद झाला.

सेन्सेक्स कंपन्यांमध्ये टाटा मोटर्सचे शेअर्स 2.75 टक्क्यांनी घसरून बंद झाले. पॉवरग्रिड, एनटीपीसी, अदानी पोर्ट्स, जेएसडब्ल्यू स्टील, आयसीआयसीआय बँक, स्टेट बँक, एल अँड टी, बजाज फायनान्स, एचडीएफसी बँक, अॅक्सिस बँक, भारती एअरटेल, एशियन पेंट्स या कंपन्यांच्या समभागांमध्ये मोठी घसरण झाली.

अन्य कंपन्यांमध्ये टीसीएसचे शेअर्स सर्वाधिक बंद झाले. याशिवाय इंडेक्स हेवीवेट्स रिलायन्स इंडस्ट्रीज आणि सनफार्मा, टेक महिंद्रा, एचसीएल टेक, महिंद्रा अँड महिंद्रा, इन्फोसिस आणि आयटीसी यांचे समभाग प्रभावीत होत बंद झाले.

बाजारातील घसरणीचे कारण?

दिवसअखेरीस अमेरिकन सेंट्रल बँकेच्या धोरणात्मक निर्णयापूर्वी गुंतवणूकदार सावधगिरी बाळगत असल्याचे तज्ञांचे मत आहे. गुंतवणूकदारांचा अंदाज आहे की फेडरल रिझर्व्ह व्याजदरात 25 आधार अंकांनी कपात करू शकते. तथापि, फेडरल रिझर्व्हचे अध्यक्ष जेरोम पॉवेल बैठकीनंतर काय म्हणतात यावर गुंतवणूकदारांचे अधिक लक्ष असेल.

जागतिक बाजारपेठेत काय स्थिती?

आशियाई बाजारात दक्षिण कोरियाचा कोस्पी, हाँगकाँगचा हँगसेंग आणि चीनचा शांघाय कंपोझिट वधारला तर जपानचा निक्केई तोट्यात होता. त्याच वेळी, अमेरिकन शेअर बाजार मंगळवारी नकारात्मक ट्रेंडसह बंद झाला.

विशाल मेगा मार्ट आयपीओच्या समभागांनी बुधवारी शेअर बाजारात शानदार एंट्री केली. आयपीओ एनएसईवर 104 वर सूचीबद्ध झाला होता, जो 78 च्या इश्यू किमतीपेक्षा 33.33 टक्के जास्त आहे. त्याच वेळी, ते बीएसई वर 110 रुपयांच्या किमतीवर सूचीबद्ध झाले. डिजिटल पेमेंट सेवा प्रदाता वन मोबिक्विक सिस्टीमने बाजारात नाटकीय प्रवेश केला आहे. वन मोबिक्विक  चा आयपीओ एनएसईवर 440 वर सूचीबद्ध झाला होता, जो त्याच्या 279 च्या इश्यू किमतीपेक्षा 57.70 टक्के जास्त आहे.