किंग कोब्रासोबत फोटो काढल्याने दोघांवर गुन्हा

सातारा :

कर्नाटक वनाधिकाऱ्यांनी किंग कोब्रा यांच्याशी संबंधित एका आंतरराज्य रॅकेटचा पर्दाफाश केला आहे. जिथे सापांना बंदिस्त ठेवले जाते आणि लोकांना मोबदल्यात सापाचे फोटो आणि व्हिडिओ काढण्याची ऑफर दिली जाते. कोडागू येथील फॉरेस्ट मोबाईल स्क्वॉड (एफएमएस)च्या अधिकाऱ्यांनी महाराष्ट्रातील सातारा येथील विकास जगताप, किरण आहिरे (नेचर सोशल फौंडेशन) एन. एस. एफ. सातारा यांच्याविरुद्ध परवानगीशिवाय किंग कोब्रा हाताळल्याच्या आरोपावरून गुन्हा दाखल केला आहे.

या महिन्याच्या सुरुवातीला हे दोघे स्थानिक पातळीवर वाचवलेल्या एका किंग कोब्राचे छायाचित्र घेण्यासाठी कोडगुला (कुर्ग मडीकेरी) गेले होते. किंग कोब्रा आणि लोकेशनवरील त्यांच्या सोशल मीडिया पोस्टवरून त्यांचा पाठलाग करणाऱ्या फॉरेस्ट मोबाईल स्क्वॉड गुप्तहेरांना ते कोडगुमध्ये असल्याची सूचना मिळाली आणि काही तासांपूर्वी ते निघून गेले.

गुप्तहेरांना माहिती मिळाली की, दोघे त्यांच्या खाजगी कारमध्ये किंग कोब्रा घेऊन जात आहेत. फॉरेस्ट मोबाईल स्क्वॉड कोडगुने बेळगावी पथकाला सतर्क केले आणि त्याच संध्याकाळी कार बेळगावी येथे पकडली. तथापि, त्यांच्या ताब्यात कोणताही साप सापडला नाही म्हणून त्यांना सोडून देण्यात आले.

परंतु त्यांच्या मोबाईल फोनवरून किंग कोब्रासोबत पोज देताना डझनभर फोटो उघड झाले. म्हणून त्यांना कोडगुला परत येण्यास नोटीस बजावून सांगण्यात आले, परंतु त्यांनी तसे केले नाही. गुरुवारी, फॉरेस्ट मोबाईल स्क्वॉड कोडगुने वन्यजीव संरक्षण कायदा 1972 कायद्यांतर्गत गुन्हा दाखल केला आणि दोघांना ताब्यात घेण्यासाठी शेजारच्या राज्याची मदत घेतली आहे.

हे वन कायद्यांचे स्पष्ट उल्लंघन आहे आणि सुटका केलेल्या किंग कोब्राला बंदिवासात ठेवणे हे सापासाठी ताण आहे. आम्ही काही स्थानिक सर्प बचावकर्त्यांची ओळख पटवली आहे जे या दोघांना किंग कोब्रासोबत फोटो काढण्यास मदत करीत होते. एकदा आम्ही त्यांची चौकशी केली की आम्ही सखोल चौकशी करू शकू, फॉरेस्ट मोबाईल स्क्वॉड कोडगु विभागातील एका अधिकाऱ्याने सांगितले.
सहायक वनसंरक्षक श्रीमती गणश्री यांच्या नुसार विकास जगताप यांनी केलेल्या कृत्याचा कबुली जबाब दिला आहे. मात्र त्याच्या सोबत असलेला किरण आहिरे हा फरार आहे असे समजते.

काही वर्षांपूर्वी पुण्यात किंग कोब्राची बेकायदेशीर हाताळणी आणि वाहतूक केल्याची तक्रार आली होती.

• लाईक्स आणि व्ह्युजसाठी सापांना त्रास

सर्प बचावकर्ते 4,000 रुपयांना किंग कोब्रासोबत फोटो देत होते, वन विभाग व तज्ञांच्या नजरेखाली किंग कोब्रासारख्या प्रजातींची सुटका करणे महत्वाचे आहे आणि कायदा अंमलबजावणी संस्थांनी या प्रक्रियेवर लक्ष ठेवले पाहिजे. सोशल मीडियावरील काही लाईक्स आणि ह्यूजसाठी सापांना त्रास दिला जातो, असे महाराष्ट्रातील सातारा जिह्याचे मानद वन्यजीव वॉर्डन रोहन भाटे म्हणाले.