व्हेनेझुएलाला नमवून कॅनडा उपांत्य फेरीत
वृत्तसंस्था/ अर्लिंग्टन, टेक्सास
कॅनडाने पहिल्यादाच कोपा अमेरिकेच्या उपांत्य फेरीत पोहोचण्यात यश मिळविले असून त्यांनी व्हेनेझुएलावर विजय मिळविताना मॅक्झिम क्रेप्यूने तिसरी केक अडविली, तर शूटआउटच्या सहाव्या फेरीत इस्माएल कोनेने गोल केला. 2011 नंतर प्रथमच कोपा अमेरिकाच्या उपांत्य फेरीत जाण्यापासून व्हेनेझुएलाला रोखताना कॅनडाने उपांत्यपूर्व फेरीतील सामन्यात 1-1 अशा बरोबरीनंतर पेनल्टी किकवर 4-3 असा विजय मिळवला.
गट स्तरावर फक्त एक गोल करूनही पुढे जाणारा कॅनडा फक्त चौथा संघ ठरला होता. कॅनडाने चिलीविऊद्धचा सामना गोलशून्य बरोबरीत सोडवल्याने त्यांना बाद फेरीत प्रवेश मिळाला. कॅनडासाठी जेकब शॅफेलबर्गने 13 व्या मिनिटाला गोल केला तर व्हेनेझुएलासाठी 64 व्या मिनिटाला सॅलोमन रॉन्डनने बरोबरी साधली. शूटआऊटच्या पाच फेऱ्यांमध्ये प्रत्येक संघाने तीन वेळा गोल केले. त्यामुळे अतिरिक्त सत्र घेणे भाग पडले.
या विजयामुळे मंगळवारी रात्री न्यू जर्सी येथील मेटलाइफ स्टेडियमवर 48 व्या क्रमांकावरील कॅनडा आणि जगात पहिल्या क्रमांकावर असलेला आणि कोपा अमेरिका स्पर्धेचा गतविजेता अर्जेंटिना आणि लिओनेल मेस्सी यांच्याशी पुन्हा गाठ पडेल. अर्जेंटिनाने गटातील पहिल्या सामन्यात कॅनडाचा 2-0 असा पराभव केला होता.