कळंगुटमध्ये एसीच्या शॉर्टसर्किटमुळे बंद व्हिलाला आग; 50 हजारांचे नुकसान

कळंगुट : एसी युनिटमध्ये झालेल्या शॉर्टसर्किटमुळे कळंगुट येथील एका बंद व्हिलामध्ये आग लागल्याची घटना घडली. व्हिला बंद असल्याने आगीची माहिती मिळताच स्थानिकांनी तातडीने घटनास्थळी धाव घेतली.

स्थानिकांनी अग्निशामक यंत्राच्या मदतीने आग नियंत्रणात आणली. त्यानंतर अग्निशमन दलाचे जवान घटनास्थळी दाखल झाले आणि परिस्थितीची पाहणी केली. स्थानिकांनी वेळीच केलेल्या प्रयत्नांमुळे आग मोठ्या प्रमाणात पसरण्यापासून रोखण्यात आली.

या घटनेत व्हिलामधील काही साहित्याचे नुकसान झाले असून, प्राथमिक अंदाजानुसार सुमारे 50 हजारांचे नुकसान झाल्याचे सांगण्यात आले. एसी युनिटमधील शॉर्टसर्किट हे आगीचे प्राथमिक कारण असल्याचे समोर आले आहे.