तामिळनाडूत बस अन् टँकरची टक्कर, 20 जखमी

कोइम्बतूर :

तामिळनाडूच्या तूतुकुडी जिल्ह्यातील कोविलपट्टीनजकी राष्ट्रीय महामार्गावर बस दुर्घटना घडली आहे. कोइम्बतूर येथून नागरकोइलच्या दिशेने जाणारी खासगी बस रस्त्याच्या कडेला उभ्या असलेल्या सिमेट मिक्सर टँकरला जाऊन धडकली. या दुर्घटनेत बसचा पुढील हिस्सा पूर्णपणे चेंदामेंदा झाला. बसचालकासमवेत सुमारे 20 जण यात जखमी झाले आहेत. या दुर्घटनेमुळे काही काळ महामार्गावरील वाहतूक ठप्प झाली होती.