स्टेजवरच वधू-वराची कुस्ती

लढाईचे आहे अत्यंत अजब कारण

चीनच्या एका दांपत्याने स्वत:च्या विवाहाला स्मरणीय करण्यासाठी त्यादिवशी कुस्तीचे आयोजन केले. या जोडप्याने पारंपरिक पद्धतीने विवाह करण्याऐवजी लोकांना बोलावून त्यांच्यासमोर कुस्ती लढली आहे. नवविवाहित दांपत्याने या खेळात हार-जीतच्या आधारावर स्वत:च्या आगामी जीवनाचे भविष्य निश्चित केले आहे.

दक्षिण-पश्चिम चीनमध्ये एका दांपत्याने स्वत:च्या विवाहाला प्रोफेशनल कुस्ती मुकाबल्यात बदलेले. याच्बारोबर हरणाऱ्याला जीवनभर घराच्या कामासाठी सहमत व्हावे लागले. कुस्ती केवळ एक मैत्रिपूर्ण सामना होता, परंतु यात हार आणि विजय वास्तविक होता.

वधू हे यिनशेंग हा गुइझोऊ प्रांतातील एक प्रोफेशनल पैलवान आहे, त्याने मे महिन्याच्या प्रारंभी एका स्थानिक हॉटेलमध्ये स्वत:च्या पत्नीसोबत हा अनोखा सोहळा आयोजित केला होता. पारंपरिक वेडिंजग स्टेजच्या स्थानी दांपत्याने एक कुस्तीचा अखाडा तयार करविला होता. यात एका विशाल स्क्रीनवर ‘वधू विरुद्ध वर’ असे पोस्टर लावण्यात आले होते.

विजय-पराभवाची अजब अट

नवविवाहित जोडप्याने मग स्वत:च्या टीम्सचे नेतृत्व करत तीन सामन्यांच्या स्पर्धेत भाग घेतला. यात एक हलका-फुलका नियम लागू होता, की हरणाऱ्या टीमला घरगुती काम करण्यासाठी पाठविले जाईल. या आयोजनाच्या व्हिडिओत सर्वप्रथम रिंगमध्ये कलाकारांचा प्रवेश दाखविण्यात आला आहे. हे कलाकार बॉडी स्लॅम आणि टेकडाउनपासून क्लोज-रेंज ग्रॅपलिंगपर्यंत हाय-इम्पॅक्ट मूव्सचे प्रदर्शन करतात. अतिथी पूर्ण एकाग्रतेने कुस्ती पाहत होते, तर मुलेही हातात खाद्यपदार्थांच्या बाउलसह उभे होते, परंतु खाण्याऐवजी कुस्ती पाहण्यात अधिक मग्न होते. कार्यक्रम पुढे जाताच वधू आणि वर स्वत: रिंगमध्ये उतरले, गर्दीकडून वाढविण्यात येणाऱ्या उत्साहादरम्यान वधूने प्रारंभिक टप्प्यात वराला खांद्यावरून उचलून खाली पाडले होते.

वधूचा झाला विजय

यानंतर रेफ्रीने वधूला विजयी घोषित करत तिला जीवनभरासाठी घराच्या कामातून मुक्तता मिळाल्याची घोषणा केली. परंतु या दृश्यापूर्वीच कोरियोग्राफी आणि पूर्वाभ्यास करण्यात आला होता, तरीही हे आकर्षक प्रदर्शन प्रेक्षकांना मंत्रमुग्ध करण्यास यशस्वी ठरले. या आयोजनात सर्व कलाकारांना प्रोफेशनल पद्धतीने प्रशिक्षित करण्यात आले होते आणि पूर्ण शोदरम्यान सुरक्षेला प्राथमिकता देण्यात आली होती. अखेरीस मलाच हरावे लागले. मी तिला घराचे काम करू देऊ शकत नव्हतो. विवाहाची योजना आखतानाच आम्हाला हा विचार आला होता असे वराने सांगितले आहे.

गायक आणि नर्तकांना सोहळ्यात सामील करण्याऐवजी कुस्तीचा मुकाबला आयोजित करण्याचा पर्याय निवडला. माझ्या पत्नीनेही यात सहमती दिली. दोन्ही परिवारांच्या आईवडिलांनीही आमच्या निर्णयाचा सन्मान केला असे त्याने सांगितले आहे.