पेनल्टी शूटआऊटमध्ये बोस्नियाचा विजय

इटली सलग तिसऱ्यांदा फिफा विश्वचषकाबाहेर

त.भा.वृत्तसंस्था/ झेनिका

फिफा विश्वचषक पात्रता फेरीच्या अंतिम सामन्यात नाट्यामय घडामोडी पहायला मिळाल्या. बोस्निया आणि हर्जेगोविना विरुद्धच्या अत्यंत तणावपूर्ण पेनल्टी शूटआऊटमध्ये (4-1) पराभव झाल्यामुळे इटलीला विश्वचषक पात्रता शर्यतीतून अत्यंत निराशाजनक रीतने बहेर पडावे लागले. जागतिक स्तरावरील या स्पर्धेत पोहोचण्यात इटलीला आलेले हे सलग तिसरे अपयश ठरले आहे.

चारवेळा विश्वचषक विजेत्या इटली संघाला पुन्हा एकदा नशिबाची साथ लाभली नाही. त्यांच्या या निराशाजनक कामगिरीमुळे संघाची सातत्यपूर्ण कामगिरी करण्याची क्षमता आणि महत्त्वाच्या सामन्यांमध्ये खेळ उंचावण्याची ताकद यावर गंभीर प्रश्नचिन्हे निर्माण झाली आहेत. या स्पर्धेच्या मागील दोन आवृत्त्यांमध्येही स्थान मिळवण्यास अपयश आल्यानंतर आता बसलेला हा आणखी एक धक्का आंतरराष्ट्रीय स्तरावर इटलीच्या फुटबॉल क्षेत्रातील दीर्घकालीन संघर्षात आणखीच भर घालणारा ठरला आहे.