टोयोटा किर्लोस्करच्या इनोव्हा हायक्रॉसचे बुकिंग पुन्हा सुरू

वृत्तसंस्था/ बेंगळूर

टोयोटा किर्लोस्कर मोटर (टीकेएम) ने इनोव्हा हायक्रॉस झेडएक्स आणि झेडएक्स (ओ) मॉडेल्ससाठी बुकिंग पुन्हा सुरू करण्याची घोषणा केली आहे. नोव्हेंबर 2022 मध्ये लाँच झाल्यापासून गाडीला मोठा प्रतिसाद लाभतो आहे.

व्हर्सटाईल इनोव्हा हायक्रॉस, सेल्फ-चार्जिंग स्ट्राँग हायब्रीड इलेक्ट्रिक व्हेरियंट एसएचईव्ही तसेच गॅसोलीन व्हेरियंटमध्ये उपलब्ध आहे, ती त्याच्या ग्लॅमर कोशंट, अॅडव्हान्स टेक्नॉलॉजी, कम्फर्ट, सेफ्टी फीचर्स आणि गाडी चालवण्याचा उत्साह यासाठी ओळखली जाते.

उच्च मागणीमुळे, टॉप एंड ग्रेडचे बुकिंग तात्पुरते होल्डवर ठेवण्यात आले होते. या कालावधीत, इनोव्हा हायक्रॉसच्या इतर ग्रेड, हायब्रीड आणि गॅसोलीन या दोन्ही ग्रेडसाठी बुकिंग सुरू होते. सुव्यवस्थित आणि वाढीव पुरवठ्यामुळे, वेटिंग पिरियड कमी झाला असून इनोव्हा हायक्रॉस टॉप एंड ग्रेडचे बुकिंग सुरू झाले आहे असे कंपनीचे उपाध्यक्ष सबरी मनोहर यांनी सांगितले. घरगुती ग्राहकांनाही आनंद देणारे वाहन असल्याचे त्यांनी सांगितले.