सरकारविरोधात भाजप एकजुटीने लढा उभारणार

रवी यांच्या प्रकरणानंतर खडबडून जागे : मतभेद बाजूला ठेवून पक्ष संघटनेवर जोर देण्याची वरिष्ठांची सूचना

प्रतिनिधी/ बेंगळूर

विधानपरिषद सदस्य सी. टी. रवी यांच्या प्रकरणामुळे खडबडून जागे झालेल्या भाजपने आगामी काळात राज्य सरकारच्या विरोधात एकजुटीने लढा उभारणार आहे. गेल्या गुऊवारी बेळगाव येथील सुवर्णसौध येथे घडलेल्या घटनेनंतर सरकारच्या धोरणेमुळे जनतेत तीव्र नाराजी पसरली आहे. याचा वापर पक्ष संघटनेसाठी करण्याच्या सूचना केंद्रीय नेत्यांनी दिल्या आहेत. तसेच आगामी काळात पक्षांतर्गत सर्व मतभेद बाजूला ठेवून पक्ष संघटनेवर जोर द्यावा, असेही त्यांनी राज्यातील भाजप नेत्यांना सांगितले आहे.

याची जाणीव असल्यानेच पक्षाचे प्रदेशाध्यक्ष बी. वाय. विजयेंद्र यांनी रवी यांच्या अटकेनंतर पक्षातील असंतोष बाजूला ठेवून वरिष्ठ आणि कनिष्ठांना विश्वासात घेतले आहे. पुढील काही दिवसांत अटकेनंतर रवी यांना मिळालेल्या वागणुकीबद्दल सरकारकडे तक्रार करूनही मंत्र्याविऊद्ध तक्रार नोंदवली गेली नाही. ही घटना एका प्रभावशाली मंत्र्याच्या सांगण्यावरून घडल्याचे चित्रण करण्याचा भाजपचा प्रयत्न आहे.

सुवर्णसौध येथील घटनेनंतर गृहमंत्री डॉ. जी. परमेश्वर यांना कोणतीही माहिती नसल्याचा भाजपचा आरोप आहे. ही घटना घडली आणि सभागृह तहकूब झाले, तेव्हा प्रभावशाली मंत्री सभापतींच्या कार्यालयात येऊन रवी यांचे सदस्यत्व अपात्र ठरवण्यासाठी दबाव टाकला होता, असे सांगितले जात आहे. लक्ष्मी हेब्बाळकर यांच्या समर्थकांनी सभागृहात प्रवेश केला तरी सुवर्णसौध येथे असलेल्या कायदा व सुव्यवस्था विभागाचे एडीजीपी हितेंद्र, बेळगाव शहर पोलीस आयुक्त यडा मार्टिन, जिल्हा पोलीस अधीक्षक यांच्यासह वरिष्ठ अधिकाऱ्यांनी परमेश्वर यांना माहिती देण्याऐवजी प्रभावशाली मंत्र्याला ही घटना समजावून सांगितल्याची माहिती आहे.

काँग्रेस आणि पक्षावर अवाजवी टीका करणाऱ्या रवी यांचे प्रकरण तार्किक टप्प्यावर नेण्याचा निर्णय प्रभावी मंत्र्यांनी घेतला होता. तसेच कोणतीही माहिती न देता गृहमंत्र्यांना अटक करण्याचे आदेश दिले होते. त्यानंतर जे काही घडले ते सर्व इतिहासच आहे. हे खुद्द गृहमंत्र्यांनीच माध्यमांसमोर केलेले विधान हे भाजपचे हत्यार आहे. हे लक्षात घेऊन भाजपने राज्यभरात काँग्रेसच्या विरोधात रस्त्यावर उतरण्याचा निर्णय घेतला आहे.

पक्षाची चौकट ओलांडू नये

पक्षांतर्गत असंतोष, नेतृत्व बदल, असंतुष्ट कारवाया करू नयेत, अशा स्पष्ट सूचनाही हायकमांडने दिल्या आहेत. सरकारविरोधातील लढाईची ब्लू प्रिंट स्वत: प्रदेश प्रभारी मोहन अग्रवाल यांनी तयार केली आहे. काहीही मतभेद असल्यास  पक्षाच्या व्यासपीठावर त्यांची चर्चा झाली पाहिजे. कोणत्याही कारणास्तव पक्षाची चौकट ओलांडू नये, अशा सूचना त्यांनी दिल्या आहेत. त्यामुळेच बेळगाव अधिवेशनात प्रसारमाध्यमांसमोर उघडपणे वक्तव्य करणारे यत्नाल, रमेश जारकीहोळी आणि इतर नेते सध्या गप्प आहेत.