बिजगर्णी-कावळेवाडी महालक्ष्मीदेवी यात्रोत्सव आजपासून
उद्या सूर्योदयाला लक्ष्मीदेवीचा विवाह सोहळा-रथोत्सव मिरवणूक : राकसकोपमध्येही मिरवणुकीची जय्यत तयारी : नऊ दिवस चालणार यात्रा
वार्ताहर /किणये
बिजगर्णी, कावळेवाडी व राकसकोप गावांतील महालक्ष्मी यात्रेला मंगळवार दि. 16 पासून प्रारंभ होत आहे. तब्बल तीस वर्षांनंतर यात्रा भरत असल्यामुळे गावात उत्सवाचे वातावरण आहे. यात्रेनिमित्त बिजगर्णा, कावळेवाडी गावात गटारींची साफसफाई करण्यात आली आहे. काँक्रीटचे रस्ते करण्यात आलेले आहेत. बिजगर्णी येथील प्राथमिक मराठी शाळेच्या आवारात सुवर्ण मंदिराची भव्य प्रतिकृती उभारण्यात आली आहे. ठिकठिकाणी स्वागतकमानी उभारण्यात आल्या आहेत. एकंदरीत बिजगर्णी, कावळेवाडीनगरी महालक्ष्मी देवीच्या यात्रोत्सवासाठी सज्ज झाली आहे. मंगळवार दि. 16 रोजी पारंपरिक वाद्यांच्या गजरात गावातील सर्व देवतांची पूजा करून यात्रोत्सवाला सुरुवात होणार आहे.