"माझा श्वास गुदमरतोय" भोपाळ प्रकरणातले चॅट आणि सीसीटिव्ही फुटेज बुचकळ्यात टाकणारे ...

मध्य प्रदेशातील भोपाळमध्ये एका प्रतिष्ठित कुटुंबात लग्न केल्यानंतर अवघ्या पाच महिन्यांतच, एका ३३ वर्षीय महिलेचा तिच्या सासरच्या घरात मृतदेह आढळला.  हादरवून टाकणाऱ्या या घटनेनंतर आता काही गोष्टींचा उलगडा होताच, प्रकरणातील गुंतागुंत वाढली आहे.

मृत्युपुर्वी महिलेचे तिच्या आईसोबत मोबाईलवर चॅटींग आता समोर आले आहे, त्यात  माझा श्वास गुदमरतोय, अस्वस्थ वाटत आहे असं महिला आपल्या आईला सांगत आहे, फरार पती, छळ आणि मानसिक आजाराबद्दलचे परस्परविरोधी दावे, तसेच हुंडा छळ आणि हत्येच्या आरोपांची चौकशी सुरू केल्यानंतर आता या घटनेचे सीसीटीव्ही फुटेज समोर आले आहे. 

पती वकिल सासू निवृत्त न्यायाधीश

मृत महिला मूळची उत्तर प्रदेशातील नोएडा येथील असून १२ मे रोजी कटारा हिल्स परिसरातील तिच्या सासरच्या घरी गळफास घेतलेल्या अवस्थेत आढळली. हुंडाबळी प्रकरणी दाखल केलेल्या एफआयआरमध्ये तिचा वकील पती आणि निवृत्त न्यायाधीश सासू या दोघांचीही नावे आहेत, तर छळ, मारहाण आणि पुरावे नष्ट करण्याच्या आरोपांची विशेष तपास पथक (एसआयटी) चौकशी करत आहे.

आरोपी कुटुंबाची कायदेशीर पार्श्वभूमी, तपासातील अनेक कथित त्रुटी आणि घटनेच्या रात्रीचे सीसीटीव्ही फुटेज समोर आल्यामुळे या प्रकरणाने सोशल मीडियावर संतापाची लाट उसळली असून लक्ष वेधून घेतले आहे

 प्रकरणाचे गूढ वाढले