अनगोळात बेळगाव हिंदकेसरी किताबाची बैलगाडा शर्यत

बेळगाव : श्री राम सेना हिंदुस्थान अनगोळतर्फे बेळगाव हिंदकेसरी किताब 2025 पर्व दुसरे बैलगाडा शर्यतीचे आयोजन केले आहे. मागील वर्षीप्रमाणे या वर्षीही खाली बैलगाडा पळविण्याची जंगी शर्यत गुरुवार दि. 17 ते रविवार दि. 20 एप्रिल रोजी अनगोळ येथील श्री मरगाई देवी मंदिरासमोरील डॉ. बाबासाहेब आंबेडकर तलाव येथे होणार आहे. दक्षिण महाराष्ट्र व उत्तर कर्नाटकाच्या इतिहासातील प्रथमच लाखो रूपयांची आकर्षक बक्षीसे असलेली सदर स्पर्धा लहान गट व मोठा गट अश्या दोन गटामध्ये होईल. मोठा गटासाठी प्रथम 2 लाख, द्वितीय 1 लाख, तृतीय 75 हजार तसेच लहान गटासाठी प्रथम 1 लाख, द्वितीय 51 हजार, तृतीय 35 हजारासह 25 हून अधिक बक्षीसे यासह आकर्षक चषक, सन्मानचिन्ह देण्यात येतील.