बवुमाकडे पुन्हा कर्णधारपद

वृत्तसंस्था/ दरबान

लंकेविरुद्ध चालू महिन्याच्या अखेरीस द. आफ्रिकेत होणाऱ्या दोन सामन्यांच्या कसोटी मालिकेसाठी यजमान संघाच्या कर्णधारपदी तेंबा बवुमाची फेरनियुक्ती करण्यात आली आहे. या मालिकेसाठी द. आफ्रिकेने 14 जणांचा संघ जाहीर केला आहे.

या मालिकेसाठी द. आफ्रिका संघामध्ये आणखीन दोन बदल करण्यात आले आहेत. बांगलादेशविरुद्ध झालेल्या मालिकेतील द. आफ्रिका संघातील दोन खेळाडूंना वगळण्यात आले आहे. मार्को जानसेन आणि कोएत्झी यांचे पहिल्यांदाच घरच्या मैदानावर कसोटी मालिकेसाठी संघात निवड झाली आहे. उभय संघातील पहिली कसोटी 27 नोव्हेंबरपासून दरबानमध्ये तर दुसरी कसोटी 5 ते 9 डिसेंबर दरम्यान पोर्ट एलिझाबेथ येथे होणार आहे.

द. आफ्रिका संघ: टी. बवुमा (कर्णधार), बेडींगहॅम, कोएत्झी, टोनी डी. झोर्झी, जानसेन, केशव महाराज, मार्करम, मुल्डेर, मुथुसामी, पॅटर्सन, रबाडा, स्टब्ज, रिकल्टन आणि व्हेरेन.