बार्सिलोनाचा सलग सातवा विजय

माद्रिद  : स्पॅनिश लीग फुटबॉल स्पर्धेच्या हंगामात येथे बुधवारी खेळविण्यात आलेल्या सामन्यात बार्सिलोना संघाने गेटाफीचा 1-0 अशा गोल फरकाने निसटता पराभव केला. बार्सिलोना संघाचा या स्पर्धेतील हा सलग सातवा विजय आहे. बार्सिलोना आणि गेटाफी यांच्यातील हा सामना शेवटच्या क्षणापर्यंत अटितटीचा झाला. बार्सिलोनातर्फे एकमेव गोल रॉबर्ट लेवान्डोवस्कीने केला. लेवान्डोवस्कीचा हा 7 वा गोल आहे. त्याने या सामन्यात 19 व्या मिनिटाला बार्सिलोनाचे खाते उघडले. मात्र गेटाफिला शेवटपर्यंत आपले खाते उघडता न आल्याने बार्सिलोना संघाने हा सामना केवळ एका गोलने जिंकला.