बांगलादेश युवा संघ जाहीर

वृत्तसंस्था / ढाका

झिम्बाब्वे आणि नामिबीया यांच्या संयुक्त यजमानपदाने होणाऱ्या आयसीसीच्या 19 वर्षांखालील वयोगटातील पुरूषांच्या विश्वचषक वनडे क्रिकेट स्पर्धेसाठी शनिवारी बांगलादेश संघाची घोषणा करण्यात आली. या संघाचे नेतृत्व अझिझुल हकीमकडे सोपविण्यात आले असून झेवाद अब्रार उपकर्णधार राहील.

या स्पर्धेत बांगलादेश संघाचा ब गटात समावेश आहे. या गटामध्ये भारत, न्यूझीलंड, अमेरिका यांचाही सहभाग राहील. बांगलादेश संघाने आतापर्यंत युवा विश्वचषक क्रिकेट स्पर्धेत 28 सामने खेळले असून त्यापैकी 17 सामने त्यांनी जिंकले आहेत.

बांगलादेश संघ: अझिझुल हकीम (कर्णधार), झेवाद अब्रार (उपकर्णधार), सामुईन बशीर, शेख परवेज, रिझान हुसेन, शहरीया अल अमिन, शादीन इस्लाम, मोहम्मद अब्दुल्ला, फरीद हसन, कलाम सिद्दकी, रिफाद बेग, साद इस्लाम, अल फहाद, शहरीयार अहमद, इक्बाल हुसेन.