Ganja worth ₹5 crore seized :दिल्ली विमानतळावर ५ कोटींचा गांजा जप्त, सीमा शुल्क विभागाची कारवाई
राजधानी दिल्लीच्या इंदिरा गांधी आंतरराष्ट्रीय (आयजीआय) विमानतळावरील सीमाशुल्क विभागाने दोन भारतीय प्रवाशांना अटक करून अमली पदार्थांच्या तस्करीचा एक मोठा प्रयत्न हाणून पाडला. हे दोन प्रवासी बँकॉकहून दिल्लीत आले होते आणि त्यांच्या सामानातून अंदाजे १५.९३ किलोग्रॅम हायड्रोपोनिक गांजा (मारिजुआना) जप्त करण्यात आला, ज्याची आंतरराष्ट्रीय अवैध बाजारात अंदाजे किंमत ५.५६ कोटी रुपये आहे.
एक्स-रे स्कॅनिंग संशय आला
सीमाशुल्क अधिकाऱ्यांच्या म्हणण्यानुसार, दोन्ही प्रवासी २७ जून रोजी बँकॉकहून टीजी-३३१ (TG-331) या विमानाने आयजीआय (IGI) विमानतळाच्या टर्मिनल ३ वर आले होते. प्रोफाइलिंगच्या आधारे त्यांना तपासणीसाठी थांबवण्यात आले. एक्स-रे स्कॅनिंगमध्ये त्यांच्या सामानात संशयास्पद वस्तू आढळल्या, ज्यामुळे त्यांची कसून झडती घेण्यात आली.
Customs, IGI Airport Date: 27.06.2026
Operation: AIU, IGI Airport, New Delhi
Seizure: 15.930 Kg Hydroponic weed (Ganja)On the basis of profiling, Customs officers at IGI Airport, New Delhi detected a case of smuggling of narcotic substances involving two Indian passengers who… pic.twitter.com/BRnHHj8rAq
— Delhi Customs (Airport & General) (@AirportGenCus) June 30, 2026
संशयित हिरव्या रंगाच्या मादक पदार्थाची नऊ पाकिटे सापडली: तपासात एका काळ्या ट्रॉली बॅगमध्ये सात पॉलिथिन पाकिटे आणि एका तपकिरी बॅकपॅकमध्ये दोन पाकिटे आढळून आली. संशयित हिरव्या रंगाचा मादक पदार्थ असलेली एकूण नऊ पाकिटे सापडली. चाचणीत तो हायड्रोपोनिक वीड (गांजा/मारिजुआना) असल्याचे निष्पन्न झाले.
दोन्ही आरोपींना अटक: जप्त केलेल्या अमली पदार्थांचे एकूण वजन १५.९३० किलोग्रॅम होते. सीमाशुल्क विभागाने एनडीपीएस कायदा, १९८५ अन्वये ते जप्त करून दोन्ही आरोपींना अटक केली.